AKP បាត់ដំបង ថ្ងៃទី១៩ ខែតុលា ឆ្នាំ២០២៦--

ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា អញ្ជើញជាអធិបតីក្នុងពិធីបិទ វេទិកាអន្តរជាតិស្តីពីការអប់រំគ្រូបង្រៀនសតវត្សរ៍ទី២១ លើកទី១ ព្រមទាំងពិព័រណ៍ស្ទែម និងពិព័រណ៍សៀវភៅ ដែលរៀបចំដោយវិទ្យាស្ថានគរុកោសល្យបាត់ដំបង នាថ្ងៃទី១៩ ខែតុលា ឆ្នាំ២០២៦ ក្រោមប្រធានបទ «ការអប់រំគ្រូបង្រៀនតាមគន្លងអប់រំថ្មី៖ ពីគ្រឹះអំណាន និងគណិតវិទ្យាដំបូង ទៅនវានុវត្តន៍ស្ទែម ប្រកបដោយបរិយាបន្ន និងភាពធន់» ដោយមានការចូលរួមពីថ្នាក់ដឹកនាំក្រសួង ដៃគូអភិវឌ្ឍន៍ជាតិ និងអន្តរជាតិ អ្នកជំនាញ អ្នកស្រាវជ្រាវ គ្រូឧទ្ទេស និងគរុនិស្សិត។

វេទិកានេះមានគោលបំណងសំខាន់គឺលើកកម្ពស់គុណភាពបណ្តុះបណ្តាលគ្រូ ចែករំលែកចំណេះដឹង និងលទ្ធផលស្រាវជ្រាវ ព្រមទាំងជំរុញនវានុវត្តន៍គរុកោសល្យឱ្យឆ្លើយតបទៅនឹងតម្រូវការអប់រំសតវត្សរ៍ទី២១។

រូបថត៖ AKP-បាត់ដំបង