AKPកំពង់ធំថ្ងៃទី១១ខែមិថុនាឆ្នាំ២០២៦--លោក ហាក់ ម៉ុងហួត អភិបាលស្រុកនិងជាប្រធានគណៈកម្មាធិការអនុសាខាកាកបាទក្រហមកម្ពុជាស្រុកតាំងគោកកាលពីរសៀលថ្ងៃទី១០ខែមិថុនា ឆ្នាំ២០២៦នេះ បានដឹកនាំក្រុមការងារចុះសួរសុខទុក្ខ និងនាំយកអំណោយមនុស្សធម៌កាកបាទក្រហមកម្ពុជាស្រុកចែកជូនប្រជាពលរដ្ឋរងគ្រោះដោយខ្យល់កន្ត្រាក់ចំនួន៨គ្រួសារស្ថិតនៅឃុំច្រនាងស្រុកតាំងគោក ខេត្តកំពង់ធំ។

សូមបញ្ជាក់ថា ហេតុការណ៍នេះបានកើតឡើងកាលពីយប់ថ្ងៃទី០៨ ខែមិថុនាឆ្នាំ២០២៦ ដោយមានភ្លៀងលាយឡំនិងខ្យល់បក់ខ្លាំង បណ្តាលឱ្យផ្ទះប្រជាពល រដ្ឋ០៨ខ្នង រងការខូចខាតកម្រិតស្រាល ដូចជា របើកស័ង្កសី និងក្បឿង។

ក្នុងឱកាសនោះ លោក ហាក់ ម៉ុងហួត បានសម្តែងការសោកស្តាយនិងបានពាំនាំនូវការផ្តាំផ្ញើសួរសុខទុក្ខពីសំណាក់ថ្នាក់ដឹកនាំកាកបាទក្រហមកម្ពុជា ជាពិសេ សសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែនប្រធានកាកបាទក្រហមកម្ពុជានិងឯកឧត្តម នួន ផារ័ត្ន អភិបាលខេត្តនិងជាប្រធានគណៈកម្មាធិការសាខាកាកបាទក្រហមកម្ពុជាខេត្តកំពង់ធំ សម្ដេច និងឯកឧត្តមតែងតែយកចិត្តទុកដាក់ចំពោះសុខទុក្ខប្រជាពលរដ្ឋរងគ្រោះគ្រប់ពេលវេលា ក្រោមទិស ស្លោក"ទីណាមានទុក្ខលំបាក ទីនោះមានកាកបាទក្រហមកម្ពុជា"។

ជាមួយគ្នានេះលោក ហាក់ ម៉ុងហួតក៏បានអំពាវនាវដល់ប្រជាពលរដ្ឋ បង្កើនការប្រុងប្រយ័ត្នខ្ពស់ពេលមានភ្លៀង ផ្គរ រន្ទះ និងខ្យល់កន្ត្រាក់ ដើម្បីធានាសុវត្ថិភាពអាយុជីវិត ទ្រព្យសម្បត្តិ ដោយសារគ្រោះធម្មជាតិ។

សូមបញ្ជាក់ថា អំណោយមនុស្សធម៌អនុសាខាកាកបាទក្រហមកម្ពុជាស្រុកតាំងគោកផ្តល់ជូនប្រជាពលរដ្ឋរងគ្រោះ៨គ្រួសារ ក្នុង១គ្រួសារទទួលបាននូវអង្ករចំនួន២៥គីឡូក្រាម មី០១កេស ត្រីខ០១យួរ ទឹកត្រី០១យួរ ទឹកស៊ីអ៉ីវ០១យួរ តង់០១និងថវិកាចំនួន១៥ម៉ឺនរៀល៕

ដោយ៖ ស៊ុម វណ្ណា