AKP ភ្នំពេញ ថ្ងៃទី១៨ ខែមីនា ឆ្នាំ២០២៦ -- រដ្ឋមន្ត្រីការបរទេសតួកគីលោក ហាកាន់ ហ្វីដាន (Hakan Fidan) និងសមភាគីអារ៉ាប៊ីសាអូឌីត លោកហ្វៃសាល ប៊ីន ហ្វាហាន់ អាល់ ស៊ូដ (Faisal bin Farhan Al Saud) បានពិភាក្សាអំពីការវាយប្រហាររបស់សហរដ្ឋអាមេរិក-អ៊ីស្រាអែលលើអ៊ីរ៉ង់ដែលកំពុងបន្ត។

យោងតាមប្រភពពីក្រសួងការបរទេសតួកគី បានឱ្យដឹងថា អ្នកទាំងពីរបានពិភាក្សាអំពីកិច្ចខិតខំប្រឹងប្រែងដើម្បីបញ្ចប់សង្គ្រាមក្នុងអំឡុងពេលនៃការសន្ទនាតាមទូរស័ព្ទ។

អរិភាពបានកើនឡើងចាប់តាំងពីថ្ងៃទី២៨ ខែកុម្ភៈ នៅពេលដែលអ៊ីស្រាអែល និងសហរដ្ឋអាមេរិកបានបើកការវាយប្រហាររួមគ្នាលើអ៊ីរ៉ង់ដោយបានសម្លាប់មនុស្សជាង ១.២០០នាក់ រួមទាំងមេដឹកនាំកំពូល លោក អាយ៉ាតូឡា អាលី ខាមីណី (Ayatollah Ali Khamenei) ផងដែរ។

អ៊ីរ៉ង់បានសងសឹកដោយការវាយប្រហារដោយយន្តហោះគ្មានមនុស្សបើក និងមីស៊ីល ដែលផ្តោតលើអ៊ីស្រាអែល ហ្ស៊កដានី អ៊ីរ៉ាក់ និងប្រទេសជាប់ឈូងសមុទ្រដែលមានទ្រព្យសម្បត្តិយោធាអាម៉េរិក។ ទីក្រុងតេអេរ៉ង់ក៏បានបិទច្រកសមុទ្រ Hormuz ដែលជាផ្លូវដឹកជញ្ជូនដ៏សំខាន់សម្រាប់នាវាដឹកប្រេង ដែលជំរុញឱ្យថ្លៃដឹកជញ្ជូន និងធានារ៉ាប់រងកើនឡើង និងជំរុញឱ្យតម្លៃប្រេងសកលកើនឡើង៕

ដោយ៖ មូល មិនា (ប្រភព៖ AA-AKP)