AKP ភ្នំពេញ ថ្ងៃទី២៥ ខែកុម្ភៈ ឆ្នាំ២០២៦ -- អ្នកនាំពាក្យក្រសួងការបរទេសរុស្ស៊ី លោកស្រី ម៉ារីយ៉ា​ ហ្សាខារ៉ូវ៉ា (Maria Zakharova) បាននិយាយនៅថ្ងៃពុធនេះថា ផែនការរបស់ទីក្រុងឡុងដ៍ និងទីក្រុងប៉ារីស ដើម្បីជួយអ៊ុយក្រែនជាមួយនឹងសព្វាវុធនុយក្លេអ៊ែរ គឺជាការរៀបចំមួយដែលខុសច្បាប់។

​លោកស្រី ហ្សាខារ៉ូវ៉ា បាននិយាយនៅក្នុងវិទ្យុស្ពុតនីក (Sputnik) ថា«ចក្រភពអង់គ្លេស និងបារាំងកំពុងរៀបចំ និងកំពុងស្ថិតក្នុងដំណើរការរៀបចំមិនមែនដោយវោហាសាស្ត្រទេ ប៉ុន្តែជាក់ស្តែង គឺបញ្ហាអាវុធនុយក្លេអ៊ែរ»។

​នៅថ្ងៃទី២៤ ខែកុម្ភៈ ឆ្នាំ២០២៦ សេវាស៊ើបការណ៍សម្ងាត់បរទេសរបស់រុស្ស៊ី បាននិយាយថា ប្រទេសបារាំង និងចក្រភពអង់គ្លេស មានផែនការសម្រាប់ផ្ទេរអាវុធនុយក្លេអ៊ែរទៅអ៊ុយក្រែន។ រដ្ឋលោកខាងលិចដឹងថាផែនការរបស់ពួកគេក្នុងការផ្គត់ផ្គង់អាវុធនុយក្លេអ៊ែរ និងគ្រាប់បែកដល់អ៊ុយក្រែន ជាការបង្ហាញពីការរំលោភបំពានយ៉ាងធ្ងន់ធ្ងរលើច្បាប់អន្តរជាតិជាពិសេសសន្ធិសញ្ញាស្តីពីការមិនរីកសាយភាយអាវុធនុយក្លេអ៊ែរ ហើយប្រឈមនឹងហានិភ័យនៃការបំផ្លាញប្រព័ន្ធមិនរីកសាយភាយជាសកល។ នេះបើយោងតាមសេចក្តីថ្លែងការណ៍របស់ក្រសួងការបរទេសរុស្ស៊ី៕

ដោយ៖ យា ចិន្ដាខន្ដី (ប្រភព៖ ស្ពុតនីក)