AKP ភ្នំពេញ ថ្ងៃទី០៥ ខែកុម្ភៈ ឆ្នាំ២០២៦ -- រដ្ឋមន្ត្រីការបរទេសចិន លោកវ៉ាង យី (Wang Yi) បានជួបជាមួយលោក ឡេ ហយទ្រុង (Le Hoai Trung) បេសកជនពិសេសរបស់លោក តូ ឡឹម (To Lam) អគ្គលេខាធិការនៃគណៈកម្មាធិការកណ្តាលបក្សកុម្មុយនិស្តវៀតណាម (CPV) នៅទីក្រុងប៉េកាំងកាលពីថ្ងៃអង្គារ។

លោក វ៉ាង ដែលជាសមាជិកនៃការិយាល័យនយោបាយនៃគណៈកម្មាធិការកណ្តាលបក្សកុម្មុយនិស្តចិន (CPC) បានអបអរសាទរចំពោះភាពជោគជ័យនៃសមាជជាតិលើកទី១៤ របស់បក្សកុម្មុយនិស្តវៀតណាម។លោកបាននិយាយថា អគ្គលេខាធិការ លោក ស៊ី ជីនពីង (Xi Jinping) និងអគ្គលេខាធិការ លោក តូ ឡឹម បានជួបពិភាក្សាតាមទូរស័ព្ទថ្មីៗនេះក្នុងអំឡុងពេលនោះ ភាគីទាំងពីរបានឯកភាពគ្នាថា ប្រទេសទាំងពីរគួរតែរួបរួមគ្នា និងសហការគ្នាដើម្បីលើកកម្ពស់ការអភិវឌ្ឍ និងផែនការដ៏ធំមួយដើម្បីពង្រឹងការអភិវឌ្ឍសហគមន៍ចិន-វៀតណាម មានអនាគតរួមគ្នាដែលមានសារៈសំខាន់ជាយុទ្ធសាស្ត្រ។

លោក វ៉ាង បាននិយាយថា ប្រទេសចិនមានឆន្ទៈក្នុងការធ្វើការជាមួយប្រទេសវៀតណាម ដើម្បីអនុវត្តតាមការឯកភាពគ្នាដ៏សំខាន់ដែលសម្រេចបានរវាងមេដឹកនាំកំពូលនៃគណបក្ស និងប្រទេសទាំងពីរ ស្វែងយល់ពីលក្ខណៈជាយុទ្ធសាស្ត្រនៃទំនាក់ទំនងទ្វេភាគី បង្កើនអត្ថប្រយោជន៍ទៅវិញទៅមកនៃកិច្ចសហប្រតិបត្តិការទ្វេភាគី និងបញ្ជាក់ពីមិត្តភាពចិន-វៀតណាម។

លោកបានមានប្រសាសន៍ថា ប្រទេសចិនក៏បានត្រៀមខ្លួនរួចជាស្រេចដើម្បីធ្វើការជាមួយវៀតណាម ដើម្បីពង្រឹងការផ្លាស់ប្តូរកម្រិតកំពូល បង្កើនទំនុកចិត្តគ្នាទៅវិញទៅមកជាយុទ្ធសាស្ត្រ ពង្រឹងការតភ្ជាប់ ពង្រីកកិច្ចសហប្រតិបត្តិការជាក់ស្តែងក្នុងវិស័យដូចជា នវានុវត្តន៍វិទ្យាសាស្ត្រ-បច្ចេកវិទ្យា ការផ្លាស់ប្តូរឌីជីថល និងបញ្ញាសិប្បនិម្មិតដំណើរការសកម្មភាពជោគជ័យដូចជា            «ដំណើរសិក្សាក្រហម»ពង្រឹងការផ្លាស់ប្តូរវប្បធម៌ និងប្រជាជន និងលើកកម្ពស់ជាបន្តបន្ទាប់នូវការកសាងសហគមន៍ចិន-វៀតណាម ដែលមានអនាគតរួមគ្នា។

លោក ទ្រុង សមាជិកការិយាល័យនយោបាយនៃគណៈកម្មាធិការកណ្តាលបក្សកុម្មុយនិស្តចិន និងជារដ្ឋមន្ត្រីក្រសួងការបរទេសវៀតណាមបានសម្តែងការថ្លែងអំណរគុណយ៉ាងស្មោះស្ម័គ្រចំពោះបក្ស និងប្រជាជនវៀតណាម ជូនចំពោះអគ្គលេខាធិការលោក ស៊ី ចំពោះលិខិតអបអរសាទររបស់លោក ជូនចំពោះអគ្គលេខាធិការលោក ឡឹម និងចំពោះការបញ្ជូនបេសកជនពិសេសមួយរូបទៅកាន់ប្រទេសវៀតណាម ដើម្បីអបអរសាទរបន្ទាប់ពីការបញ្ចប់សមាជជាតិលើកទី១៤ នៃបក្សកុម្មុយនិស្តចិនដោយជោគជ័យ។

លោកបានបន្ថែមថា កាយវិការទាំងនេះឆ្លុះបញ្ចាំងពីមិត្តភាពយូរអង្វែងនិងការជឿទុកចិត្តគ្នាទៅវិញទៅមកកម្រិតកំពូលរវាងគណបក្ស និងប្រទេសទាំងពីរ ហើយនឹងជំរុញយ៉ាងសកម្មដល់ការកសាងសហគមន៍វៀតណាម-ចិនដែលមានអនាគតរួមគ្នា។

លោកបានមានប្រសាសន៍ថា ប្រទេសវៀតណាមតែងតែចាត់ទុកទំនាក់ទំនងរបស់ខ្លួនជាមួយប្រទេសចិនជាអាទិភាពកំពូល និងជាជម្រើសយុទ្ធសាស្ត្ររបស់ខ្លួន ប្រកាន់យ៉ាងខ្ជាប់ខ្ជួននូវគោលនយោបាយចិនតែមួយនិងប្រឆាំងនឹងទម្រង់ណាមួយនៃការបំបែកខ្លួន «ឯករាជ្យភាពតៃវ៉ាន់»។

លោកបានបន្ថែមថា ប្រទេសវៀតណាមត្រៀមខ្លួនរួចជាស្រេចដើម្បីធ្វើការជាមួយប្រទេសចិន ក្នុងការរៀបចំផែនការដំណាក់កាលបន្ទាប់នៃការផ្លាស់ប្តូរកម្រិតកំពូល និងលើកកម្ពស់កិច្ចសហប្រតិបត្តិការក្នុងវិស័យនានា រួមទាំងសេដ្ឋកិច្ច ពាណិជ្ជកម្ម វិនិយោគ និងវិស័យថ្មីៗ។ ប្រទេសវៀតណាមក៏រំពឹងថានឹងមានការសម្របសម្រួល និងកិច្ចសហប្រតិបត្តិការពហុភាគីយ៉ាងជិតស្និទ្ធ និងការលើកកម្ពស់រួមគ្នានៃភាពជាដៃគូសហប្រតិបត្តិការយុទ្ធសាស្ត្រដ៏ទូលំទូលាយរវាងប្រទេសវៀតណាម និងចិន៕

ដោយ៖ មូល មិនា (ប្រភព៖ ភីបផលដេលី)