AKP ភ្នំពេញ ថ្ងៃទី៧ ខែកញ្ញា ឆ្នាំ ២០២៦--- ឯកឧត្តម​អភិសន្តិបណ្ឌិតស សុខា ឧបនាយករដ្ឋមន្ដ្រី រដ្ឋមន្ដ្រីក្រសួង មហាផ្ទៃបានគូសបញ្ជាក់ថា បញ្ហាគ្រឿងញៀន ក្មេងទំនើង ល្បែងស៊ីសង និងអំពើចោរកម្មនានានៅតែមានអត្រាខ្ពស់ក្នុងមូលដ្ឋាន ។
ថ្លែងក្នុងពិធីបើកសន្និបាតបូកសរុបសមិទ្ធផលការងារ របស់ក្រុមប្រឹក្សាឃុំ-សង្កាត់ អាណត្តិទី៥ ឆ្នាំ២០២២-២០២៥នៅថ្ងៃទី៧ ខែកញ្ញា ឆ្នាំ២០២៦នៅសណ្ឋាគាសុខា ឯកឧត្តម  ឧបនាយករដ្ឋមន្ត្រីស សុខា បានបញ្ជាក់យ៉ាងដូច្នេះថា៖« អាជ្ញាធរមានសមត្ថកិច្ចគ្រប់ ផ្នែកទាំងអស់ត្រូវរួម សហការគ្នាក្នុងការលើកកម្ពស់គោលនយោបាយឃុំ-សង្កាត់មានសុវត្ថិភាព ដើម្បីសុខសុវត្ថិភាពដល់ប្រជាពលរដ្ឋ ។ ដោយលោកមបានលើកទឹកចិត្តឱ្យសមត្ថកិច្ចត្រូវអនុវត្តច្បាប់ឱ្យបានពេញលេញលើការបង្ក្រាបបទល្មើសគ្រឿងញៀនឱ្យបានផុសផុល ខណៈបច្ចុប្បន្នការជួញដូរគ្រឿងញៀននៅតែមានអត្រាខ្ពស់។

ឯកឧត្ដមលើកឡើងថា “រឿងវាដដែលៗពេក ប្រជាពលរដ្ឋស្នើសុំដោះស្រាយមិនបានធ្វើ​ ឱ្យមានភាពលំបាកក្នុង ការចូលរួម បន្ទាប់ពីបានធ្វើ Survey (ស្ទង់មតិ) ជិតជាង៤០០ឃុំ-សង្កាត់ បញ្ហាគ្រឿងញៀន ក្មេងទំនើង និងការលួច សត្វពាហនៈ ល្បែងស៊ីសងក្នុងមូលដ្ឋានគឺជាបញ្ហានៅតែមានអត្រាមួយខ្ពស់”។ ជាមួយគ្នានោះដែររដ្ឋមន្រ្តីក្រសួងមហា ផ្ទៃសង្កត់ធ្ងន់ថា បញ្ហាគ្រឿងញៀនមិនមែនកើតឡើងតែនៅកម្ពុជាប៉ុណ្ណោះ គឺមាន គ្រប់បណ្តាប្រ ទេសក្នុង ពិភពលោក ។ លើសពីនេះឯកឧត្តមរដ្ឋមន្រ្តីបានលើកឡើងពីករណីចាប់បង្ក្រាបគ្រឿងញៀនថា ពីមុនចាប់បានត្រឹម៥គីឡូហើយយកមកដុត បំផ្លាញចោលថា តួលេខមានចំនួនច្រើន ប៉ុន្តែបច្ចុប្បន្នករណីបង្ក្រាបបានម្តងៗក្បែរៗខ្ទង់មួយតោនឯណោះ ។ ដែលចំណុចនេះគឺជាបញ្ហាដ៏ធំបំផុត ។ ឯកឧត្តមឧបនាយករដ្ឋម​ន្ត្រី ស សុខាបានលើកឡើងថាការនាំចេញគ្រឿងញៀនចេញពីកម្ពុជា ពីមុនភាគច្រើនមានជនជាតិអាហ្វ្រិក ប៉ុន្តែឥឡូវមានជនជាតិ ប្រ៊ីនថេន ជប៉ុន និងកូរ៉េជាដើម ។

ឯកឧត្តមឧបនាយករដ្ឋមន្ដ្រី ស សុខា រដ្ឋមន្ដ្រីក្រសួងមហាផ្ទៃ បានថ្លែងឱ្យដឹងថា ក្នុងអាណត្តិទី៥ ក្រុមប្រឹក្សាឃុំ-សង្កាត់ បំពេញតួនាទីកាន់តែទូលំទូលាយ ជាក់ស្តែង រដ្ឋបាលឃុំ-សង្កាត់ បានអនុវត្ត និងបញ្ចប់គម្រោងសេដ្ឋកិច្ចសរុប ៩.៨២៤គម្រោង។
ឯកឧត្តមបានលើកឡើងពីសមិទ្ធផលដ៏ត្រចះត្រចង់នៃកំណែទម្រង់វិមជ្ឈការ និងវិសហមជ្ឈការ ដោយឯកឧត្តមបានបញ្ជាក់ថា ក្នុងរយៈពេលជាងពីរទសវត្សរ៍ ចាប់តាំងពីការបោះឆ្នោតជ្រើសរើសក្រុមប្រឹក្សាឃុំ-សង្កាត់លើកដំបូងនៅឆ្នាំ២០០២ កំណែទម្រង់វិមជ្ឈការ និងវិសហមជ្ឈការ បានបន្តចាក់ឫសកាន់តែរឹងមាំក្នុងប្រព័ន្ធអភិបាលកិច្ចកម្ពុជា។ ក្រុមប្រឹក្សាឃុំ-សង្កាត់ ដែលកើតចេញពីការបោះឆ្នោតដោយផ្ទាល់របស់ប្រជាពលរដ្ឋ បានរួមចំណែកយ៉ាងសំខាន់ ក្នុងការពង្រឹងភាពជាតំណាង ការចូលរួម តម្លាភាព គណនេយ្យភាព និងភាពជាម្ចាស់នៅមូលដ្ឋាន ក្រោមបរិយាកាសសុខសន្តិភាព ស្ថិរភាពនយោបាយ និងឯកភាពជាតិ។

ឯកឧត្តមឧបនាយករដ្ឋមន្រ្តី បានគូសបញ្ជាក់ផងដែរថា« ក្នុងអាណត្តិទី៥នេះ ក្រុមប្រឹក្សាឃុំ-សង្កាត់ បានបំពេញ តួនាទីកាន់ តែទូលំទូលាយ ទាំងការងាររដ្ឋបាល ការអភិវឌ្ឍហេដ្ឋារចនាសម្ព័ន្ធ ការផ្តល់សេវាសង្គម ការគាំពារសង្គម ការអប់រំកុមារតូច កិច្ចការពារស្ត្រី និងកុមារ អនាម័យ បរិស្ថាន ការបន្សំនឹងការប្រែប្រួលអាកាសធាតុ និងការធ្វើ បរិវត្តកម្មឌីជីថល។ ជាក់ស្តែង រដ្ឋបាលឃុំ-សង្កាត់បានអនុវត្ត និងបញ្ចប់គម្រោងសេដ្ឋកិច្ចសរុប ៩.៨២៤គម្រោង រួមមាន៖ ការសាងសង់ និងកែលម្អផ្លូវបេតុងជាង ៤.៥២០គីឡូម៉ែត្រ ផ្លូវគ្រួសក្រហមជាង ១១.៤៣៤គីឡូម៉ែត្រ ព្រមទាំងផ្លូវកៅស៊ូ ស្ពានបេតុងខ្នាតតូច ប្រព័ន្ធធារាសាស្ត្រ និងហេដ្ឋារចនាសម្ព័ន្ធចាំបាច់ផ្សេងៗ»៕​

ដោយ៖ ប៊ុនរិទ្ធ