AKP ភ្នំពេញ ថ្ងៃទី៣១ ខែកក្កដា ឆ្នាំ២០២៦ -- ខួបលើកទី១៨៩ នៃកំណើតរបស់សាវកនៃសេរីភាព លោក វ៉ាស៊ីល ឡេវស្គី ត្រូវបានប្រារព្ធឡើងនៅទីក្រុងសូហ្វីយ៉ា កាលពីពេលថ្មីៗនេះ ជាមួយនឹងពិធីគោរពវិញ្ញាណក្ខន្ធយោធា និងពិធីដាក់កម្រងផ្កានៅវិមានរូបសំណាករបស់លោក។

កម្រងផ្កាត្រូវបានដាក់ក្នុងនាមប្រធានាធិបតី ប្រធានរដ្ឋសភា នាយករដ្ឋមន្ត្រី អភិបាលក្រុងសូហ្វីយ៉ា រដ្ឋមន្ត្រីក្រសួងការពារជាតិ ប្រធានការពារជាតិ តុលាការធម្មនុញ្ញ ក្រុមសភានៃ Progressive Bulgaria GERB-UDF ចលនាដើម្បីសិទ្ធិ និងសេរីភាព (MRF) គណបក្សប្រជាធិបតេយ្យប៊ុលហ្គារីគណបក្សបន្តការផ្លាស់ប្តូរ ក្រសួងវប្បធម៌ និងប្រធានក្រុមប្រឹក្សាក្រុងសូហ្វីយ៉ា។

កម្រងផ្កាក៏ត្រូវបានដាក់នៅវិមាននេះដោយអនុប្រធានអភិបាលក្រុងសូហ្វីយ៉ា លោកស្រី អ៊ីរីណា ដាកូវ៉ា ប្រធានក្រុមប្រឹក្សាក្រុងសូហ្វីយ៉ាលោកស្រី ធីស្វេតូមៀ ភេត្រូវ សមាជិកសភាអឺរ៉ុប លោកស្រី គ្រីស្ទៀន វីជេនីន សមាជិកសភាប្រជាធិបតេយ្យប៊ុលហ្គារី លោក អាឡេកសាន់ដ្រា ស្ទ័រកូវ៉ា និងលោកស្រី អេនណា បូដាកូវ៉ា កុមារមកពីក្លឹបបាល់ទាត់ ឡេវស្គីសិស្សានុសិស្សមកពីសាលាបឋមសិក្សា ចចជី បេនកូវស្គី ក្នុងទីក្រុងសូហ្វីយ៉ា និងសមាជិកសាធារណជនផងដែរ។

ពិធីយោធា ដែលធ្វើឡើងដោយក្រុមតំណាងនៃអង្គភាពឆ្មាំជាតិ គឺជាផ្នែកមួយនៃការរំលឹកខួបនៃកំណើតរបស់លោក ឡេវស្គី។

ពិធីស្រដៀងគ្នានេះត្រូវបានធ្វើឡើងនៅទូទាំងប្រទេសប៊ុលហ្គារីដើម្បីរំលឹកខួបនេះ។

លោក វ៉ាស៊ីល អ៊ីវ៉ាណូវ គុនឆេវ ដែលត្រូវបានគេស្គាល់ថាជាលោក វ៉ាស៊ីល ឡេវស្គី កើតនៅថ្ងៃទី១៨ ខែកក្កដា (ថ្ងៃទី០៦ ខែកក្កដា តាមរចនាបថចាស់) ឆ្នាំ១៨៣៧ នៅទីក្រុងកាឡូវ៉ូ។ លោក គឺជាអ្នកមនោគមវិជ្ជាឈានមុខគេនៃបដិវត្តន៍ជាតិប៊ុលហ្គារី ជាអ្នករៀបចំ និងជាអ្នកដឹកនាំចលនារំដោះជាតិប៊ុលហ្គារី៕

ដោយ៖ យា ចិន្ដាខន្ដី (ប្រភព៖ BTA)