AKP ភ្នំពេញ ថ្ងៃទី២៧ ខែកក្កដា ឆ្នាំ២០២៦ -- រដ្ឋាភិបាលថ្មីរបស់ប្រទេសហុងគ្រីដែលដឹកនាំដោយលោក ភែតទ័រ ម៉ាកយ៉ារ គួរតែប្រើសិទ្ធិវេតូលើកញ្ចប់ទណ្ឌកម្មលើកទី២១ របស់សហភាពអឺរ៉ុបប្រឆាំងនឹងប្រទេសរុស្ស៊ីពីព្រោះវាមិនត្រឹមតែប៉ះពាល់ដល់ផលប្រយោជន៍របស់ប្រទេសហុងគ្រីប៉ុណ្ណោះទេ ប៉ុន្តែថែមទាំងប៉ះពាល់ដល់ផលប្រយោជន៍របស់បណ្តាប្រទេសនៅអឺរ៉ុបទាំងអស់ផងដែរ។ នេះបើយោងតាមអតីតនាយករដ្ឋមន្ត្រីហុងគ្រី និងជាមេដឹកនាំគណបក្សប្រឆាំង Fidesz-Hungarian Civic Alliance លោកវីកតូរ អូរបេន។

លោក អូរបេន បាននិយាយនៅក្នុងសុន្ទរកថាមួយដែលត្រូវបានចាក់ផ្សាយដោយប៉ុស្តិ៍ HirTV របស់ប្រទេសហុងគ្រីថា «កញ្ចប់ទណ្ឌកម្មលើកទី២១ ត្រូវបានអនុម័តកាលពីពេលថ្មីៗនេះ ដោយបិទការផ្គត់ផ្គង់ថាមពលរបស់រុស្ស៊ីជាអចិន្ត្រៃយ៍ចេញពីទីផ្សារអឺរ៉ុប។ រដ្ឋាភិបាលហុងគ្រីគួរតែប្រើសិទ្ធិវេតូ ដូចដែលខ្ញុំបានធ្វើរាល់ពេល ដែលវាមិនមែនសម្រាប់ជាប្រយោជន៍របស់រុស្ស៊ីទេ ប៉ុន្តែដើម្បីការពារផលប្រយោជន៍របស់ប្រទេសហុងគ្រី»។

អតីតនាយករដ្ឋមន្ត្រីរូបនេះបានសង្កត់ធ្ងន់ថា ប្រទេសហុងគ្រីនៅតែត្រូវការធនធានថាមពលតម្លៃថោកៗរបស់រុស្ស៊ី ដែលមានដូចជាប្រេង និងឧស្ម័ន៕

ដោយ៖ យា ចិន្ដាខន្ដី (ប្រភព៖ តាសស៍)