AKP ភ្នំពេញ ថ្ងៃទី២៧ ខែឧសភា ឆ្នាំ២០២៦ -- រដ្ឋមន្ត្រីការបរទេសអាម៉េរិកលោក ម៉ាកូ រូប៊ីអូ បាននិយាយថា ទីក្រុងវ៉ាស៊ីនតោនមានឆន្ទៈបន្តចូលរួមចំណែកក្នុងការដោះស្រាយជម្លោះអ៊ុយក្រែន។

ទីភ្នាក់ងារសារព័ត៌មាន AFP បានដកស្រង់សម្តីអ្នកការទូតកំពូលអាម៉េរិករូបនេះ ដែលបាននិយាយថា «សហរដ្ឋអាមេរិកបានត្រៀមខ្លួនរួចរាល់ហើយ និងមានឆន្ទៈក្នុងការធ្វើអ្វីគ្រប់យ៉ាងតាមអំណាចរបស់ខ្លួន ដើម្បីសម្រួលដល់ការបញ្ចប់សង្គ្រាមនេះ ហើយយើងសង្ឃឹមថា ឱកាសនឹងមកដល់នៅពេលណាមួយ»។

លោក រូប៊ីអូ ដែលកំពុងបំពេញទស្សនកិច្ចនៅប្រទេសឥណ្ឌា បាននិយាយថា កិច្ចពិគ្រោះយោបល់សន្តិភាពអ៊ុយក្រែនមិនទាន់កើតឡើងនៅឡើយទេ ហើយបច្ចុប្បន្នមិនមានផែនការណាមួយដើម្បីរៀបចំកិច្ចពិគ្រោះយោបល់ណាមួយឡើយ៕

ដោយ៖ យា ចិន្ដាខន្ដី (ប្រភព៖ តាសស៍)