AKP ភ្នំពេញ ថ្ងៃទី២៤ ខែមីនា ឆ្នាំ២០២៦ -- ក្រសួងពាណិជ្ជកម្ម និងឧស្សាហកម្មបានប្រកាសថា ប្រទេសអាហ្វហ្គានីស្ថានបាននាំចេញផ្លែឈើស្ងួតចំនួន ២០៥.០០០តោនដែលមានតម្លៃ ៦៦៧លានដុល្លារអាម៉េរិកក្នុងអំឡុងឆ្នាំប្រតិទិនពែរ្ស ឆ្នាំ១៤០៤ ដែលបានបញ្ចប់នៅថ្ងៃទី២០ ខែមីនា ឆ្នាំ២០២៦។

យោងតាមការលើកឡើងរបស់អ្នកនាំពាក្យក្រសួង លោក អាគុនហ្សាដា អាប់ឌុល សាឡាម ចាវ៉ាដ (Akhundzada Abdul Salam Jawad)កាលពីថ្ងៃអាទិត្យបានឱ្យដឹងថា ការដឹកជញ្ជូនទាំងនេះភាគច្រើនទៅកាន់ដៃគូពាណិជ្ជកម្មសំខាន់ៗរបស់ប្រទេសនេះ រួមមាន ប្រទេសអ៊ីរ៉ង់ អេមីរ៉ាតអារ៉ាប់រួម តួកគី ប៉ាគីស្ថាន ចិន បារាំង ហូឡង់ រុស្ស៊ី តាជីគីស្ថាន អង់គ្លេសអូស្ត្រាលី និងប្រទេសដទៃទៀត។

យោងតាមមន្ត្រីរូបនេះ ផលិតផលនាំចេញរួមមាន ផ្លែទំពាំងបាយជូរ ផ្លែល្វា ផ្លែបឺរ ផ្លែអាព្រីខូតស្ងួត គ្រាប់អាល់ម៉ុន គ្រាប់វ៉ាល់ណាត់ គ្រាប់ស្រល់និងផ្លែព្រូន៕

ដោយ៖ មូល មិនា (ប្រភព៖ ស៊ីនហួ)