AKP ភ្នំពេញ ថ្ងៃទី១៤ ខែតុលា ឆ្នាំ២០២៦--ស្ថានភាពជំនន់ទឹកភ្លៀង នាថ្ងៃទី១៤ ខែតុលា ឆ្នាំ២០២៦ នៅទីប្រជុំជនស្រុកក្រគរ បណ្តាលឱ្យជន់លិចមន្ទីរពេទ្យបង្អែកស្រុកក្រគរ ខេត្តពោធិ៌សាត់ ។

ដោយមានការសហការ និងសម្របសម្រួលពីកងកម្លាំងសមត្ថកិច្ច អាជ្ញាធរមូលដ្ឋាន ក្រុមគ្រូពេទ្យ បានចុះអន្តរាគមន៍ និងសាកសួរសុខទុក្ខ ព្រមទាំងធ្វើការជម្លៀសអ្នកជម្ងឺ ចំនួន ១៥២នាក់ ទាំងម៉ោង១០យប់ ថ្ងៃទី១៣ ខែតុលា ឆ្នាំ២០២៦ ទៅកាន់ទីទួលសុវត្ថិភាពជាបណ្តោះអាសន្នសិន គឺនៅសាលាស្រុក និងស្នាក់ការគណបក្សប្រជាជន ស្រុកក្រគរ ។ 

ឯកឧត្តម ខូយ ដារី អភិបាលខេត្តខេត្តពោធិ៍សាត់ បានឱ្យដឹងថាគិតត្រឹមព្រឹកថ្ងៃទី១៤ ខែតុលា ឆ្នាំ២០២៦នេះ ទឹកភ្លៀងបានធ្លាក់ជាប់ៗគ្នា ៤ថ្ងៃ រហូតបង្កើតជាជំនន់ទឹកភ្លៀងបង្កផលប៉ះពាល់ដល់ស្រុកក្រគរ និងស្រុកបាកាន ដោយស្រុកក្រគរ ទឹកជំនន់បានហូរចូលក្រោមផ្ទះប្រជាពលរដ្ឋចំនួន៣៤១ខ្នង ក្នុង១០ភូមិ នៃ៦ឃុំ ។ ស្រុកបាកាន ទឹកបានលិចលង់ស្រែស្រូវប្រជាកសិករចំនួន៩១គ្រួសារ លើផ្ទៃដីជាង ៤០៥ហិកតា ក្នុង ឃុំស្វាយដូនកែវ ៕ 

ដោយ ណយ នឿន

.