AKP ភ្នំពេញ ថ្ងៃទី០៩ ខែកញ្ញា ឆ្នាំ២០២៦ -- ក្រសួងការពារជាតិកូរ៉េខាងត្បូងបាននិយាយកាលពីថ្ងៃអង្គារថា ខ្លួនបានបញ្ជូនក្រុមស៊ើបអង្កេតមួយក្រុមដើម្បីវាយតម្លៃស្ថានភាពនៅក្នុងច្រកសមុទ្រ ហ័រមូសដែលមានជម្លោះចំពេលមានការអំពាវនាវម្តងហើយម្តងទៀតពីទីក្រុងវ៉ាស៊ីនតោនសម្រាប់ទីក្រុងសេអ៊ូលឱ្យជួយកិច្ចខិតខំប្រឹងប្រែងធ្វើសង្គ្រាមប្រឆាំងនឹងអ៊ីរ៉ង់។

ក្រសួងបានបន្ថែមថា ក្រុមនេះបានចេញដំណើរទៅកាន់ប្រទេសអេមីរ៉ាតអារ៉ាប់រួម (UAE) កាលពីចុងសប្តាហ៍ ហើយត្រូវបានគេរំពឹងថានឹងត្រឡប់មកវិញនៅដើមសប្តាហ៍នេះ។ លទ្ធផលនៃការពិនិត្យនឹងត្រូវរាយការណ៍ទៅក្រុមប្រឹក្សាសន្តិសុខជាតិ។

មន្ត្រីក្រសួងម្នាក់បានពន្យល់ថា «រឿងនេះមានគោលបំណងវាយតម្លៃស្ថានភាពកិច្ចការ និងស្ថានភាពសន្តិសុខនៅក្នុងច្រកសមុទ្រ» ដោយលោកបានសង្កត់ធ្ងន់ថា ការបញ្ជូននេះ «មិនត្រូវបានសម្រេចដោយផ្អែកលើមូលដ្ឋាននៃការដាក់ពង្រាយយោធាទេ»។

ក្រសួងក៏បានបដិសេធរបាយការណ៍ព័ត៌មានមួយដែលអះអាងថាទីក្រុងវ៉ាស៊ីនតោនបានស្នើសុំឱ្យទីក្រុងសេអ៊ូលសម្រេចចិត្តនៅខែវិច្ឆិកាថាតើខ្លួននឹងបញ្ជូនកងទ័ពឬអត់។

ចលនាចុងក្រោយបំផុតនេះបានកើតឡើងប្រហែល ៦ខែបន្ទាប់ពីប្រធានាធិបតីសហរដ្ឋអាមេរិក លោក ដូណាល់ ត្រាំ (Donald Trump) បានជំរុញឱ្យប្រទេសចំនួន ៥ រួមទាំងប្រទេសកូរ៉េខាងត្បូង បញ្ជូននាវាចម្បាំងទៅកាន់ច្រកសមុទ្រ និងជួយធានាផ្លូវដឹកជញ្ជូនដ៏សំខាន់នៅតំបន់មជ្ឈិមបូព៌ា។

ក្រសួងការពារជាតិត្រូវបានគេនិយាយថា កំពុងពិនិត្យឡើងវិញនូវបញ្ជី«ទ្រព្យសម្បត្តិយោធា» ដែលអាចដាក់ពង្រាយបានភ្លាមៗ ប្រសិនបើមានការសម្រេចចិត្តធ្វើការចូលរួមចំណែកយោធា។

ឯកសារនេះត្រូវបានគេជឿថា រួមមានយន្តហោះល្បាតសមុទ្រអ្នកជំនាញខាងដោះគ្រាប់បែក និងឧបករណ៍រកឃើញ និងដកមីនសមុទ្រ៕

ដោយ៖ មូល មិនា (ប្រភព៖ យ៉ុនហាប់)