AKP ភ្នំពេញ ថ្ងៃទី០៤ ខែកញ្ញា ឆ្នាំ២០២៦ -- ការឡើងកំដៅផែនដីត្រូវបានគេកំណត់ថា នឹងលើសពី ១,៥°C លើសពីកម្រិតមុនឧស្សាហកម្មក្នុងរយៈពេលប៉ុន្មានឆ្នាំខាងមុខ ដែលជំរុញឱ្យហានិភ័យអាកាសធាតុកាន់តែខ្ពស់ឡើងៗ។ សូម្បីតែការព្យាករណ៍ដ៏សុទិដ្ឋិនិយមបំផុត ក៏ប៉ាន់ប្រមាណថាសីតុណ្ហភាពពិភពលោកនឹងឡើងដល់កំពូល ១,៨°C មុនពេលមានការធ្លាក់ចុះដែលអាចកើតមាន ដែលលើសពីគោលដៅចម្បងដែលបានកំណត់ដោយកិច្ចព្រមព្រៀងទីក្រុងប៉ារីស។

ដើម្បីកាត់បន្ថយទំហំ និងរយៈពេលនៃការឡើងកំដៅនេះ កម្មវិធីបរិស្ថានអង្គការសហប្រជាជាតិបានគូសបញ្ជាក់ពីផ្លូវ «ឡើងហួសកម្រិតឡើងដល់កំពូល និងធ្លាក់ចុះ»។ យុទ្ធសាស្ត្រនេះពឹងផ្អែកលើការកាត់បន្ថយការបំភាយឧស្ម័នផ្ទះកញ្ចក់ភ្លាមៗ ដើម្បីកំណត់សីតុណ្ហភាពកំពូល បន្ទាប់មកដោយការបំភាយឧស្ម័នសុទ្ធអវិជ្ជមានជាបន្តបន្ទាប់ ដើម្បីទាញសីតុណ្ហភាពពិភពលោកត្រឡប់មកវិញក្រោមកម្រិត ១,៥°C។

ការបរាជ័យក្នុងការទប់ស្កាត់សីតុណ្ហភាពយ៉ាងឆាប់រហ័ស នាំឱ្យមានហានិភ័យធ្ងន់ធ្ងរ ដោយសាររាល់ប្រភាគនៃដឺក្រេបង្កើនភាពញឹកញាប់នៃអាកាសធាតុខ្លាំង និងការរំខានយ៉ាងទូលំទូលាយដល់អាហារ ទឹក និងហេដ្ឋារចនាសម្ព័ន្ធ។ លើសពីនេះ ការឡើងកំដៅរយៈពេលយូរ បង្កើនឱកាសនៃការបង្កឱ្យមានចំណុចរបត់អេកូឡូស៊ីដែលមិនអាចត្រឡប់វិញបាន រួមទាំងការធ្វើឱ្យអស្ថិរភាពនៃផ្ទាំងទឹកកកសំខាន់ៗ ព្រៃអាម៉ាហ្សូន និងចរន្តមហាសមុទ្រសំខាន់ៗ៕

ដោយ៖ យា ចិន្ដាខន្ដី (ប្រភព៖ AA-AKP)