AKP ភ្នំពេញ ថ្ងៃទី០២ ខែកញ្ញា ឆ្នាំ២០២៦ -- ក្រុមហ៊ុនការពារជាតិកូរ៉េខាងត្បូង Hanwha Aerospace Co. បាននិយាយកាលពីថ្ងៃចន្ទថា ខ្លួនបានចុះហត្ថលេខាលើកិច្ចព្រមព្រៀងជាមួយក្រុមហ៊ុនការពារជាតិអេស្ប៉ាញ Indra Sistemas S.A. ដើម្បីនាំចេញរថក្រោះស្វ័យប្រវត្តិ K9។

នៅក្នុងឯកសារនិយតកម្មមួយ ក្រុមហ៊ុន Hanwha Aerospace បាននិយាយថា ខ្លួនបានចុះហត្ថលេខាលើកិច្ចសន្យាជាមួយក្រុមហ៊ុន Indra ដោយមិនបានបង្ហាញតម្លៃកិច្ចសន្យា ឬកាលវិភាគដឹកជញ្ជូនឡើយ ដោយលើកឡើងពីការសម្ងាត់។

ក្រោមកិច្ចសន្យានេះ ក្រុមហ៊ុន Hanwha Aerospace នឹងទទួលបានការទូទាត់ដំបូងស្មើនឹង 20 ភាគរយនៃតម្លៃកិច្ចសន្យាបន្ទាប់ពីចុះហត្ថលេខា បន្ទាប់មក 5 ភាគរយទៀតនៅចុងឆ្នាំ។

កិច្ចព្រមព្រៀងនេះគឺជាការចូលលើកដំបូងរបស់ក្រុមហ៊ុន Hanwha Aerospace គឺរថក្រោះ K9 ចូលទៅក្នុងទីផ្សារអឺរ៉ុបខាងលិច ដែលនឹងនាំចំនួនប្រទេសដែលកំពុងប្រតិបត្តិការរថក្រោះស្វ័យប្រវត្តិនេះដល់ ១១ប្រទេស៕

ដោយ៖ មូល មិនា (ប្រភព៖ យ៉ុនហាប់)