AKP ភ្នំពេញ ថ្ងៃទី២ ខែកញ្ញា ឆ្នាំ២០២៦--ក្រុមគ្រូពេទ្យផ្នែកវះកាត់ជនជាតិខ្មែរ និងជប៉ុន នៃអង្គការបេះដូងជប៉ុននឹងផ្តល់ការពិនិត្យ ព្យាបាលជំងឺដោយការវះកាត់ជូនដល់ប្រជាជនទូទៅដោយឥតគិតថ្លៃ ក្រោមការគាំទ្រពីមន្ទីរសុខាភិបាលខេត្តព្រៃវែង ព្រមទាំងមានការសហការជាមួយការិយាល័យសុខាភិបាលស្រុកកំពង់ត្របែក និងមន្ទីរពេទ្យបង្អែកកំពង់ត្របែក សម្រាប់អ្នកដែលមានជំងឺដូចជា ក្លនលូន (ចាប់ពីអាយុ១៥ឆ្នាំឡើងទៅ) ទឹកដក់ក្នុងពងស្វាស (ចាប់ពីអាយុ១៥ឆ្នាំឡើងទៅ)។ នេះបើតាមការជូនដំណឹងរបស់មជ្ឈមណ្ឌលព្យាបាលកុមារ បេះដូងជប៉ុន។

ប្រសិនបើបងប្អូនមានជំងឺដូចខាងលើ អាចអញ្ជើញទៅពិនិត្យតាមកាលបរិច្ឆេទនេះ៖ នៅថ្ងៃទី០៩ ខែកញ្ញា ឆ្នាំ២០២៦ ចាប់ពីម៉ោង ១៣:០០- ១៦:០០ នៅមន្ទីរពេទ្យបង្អែកកំពង់ត្របែក។ ដោយឡែកចំពោះកាលបរិច្ឆេទនៃការវះកាត់នឹងប្រព្រឹត្តទៅនៅថ្ងៃទី១០,១១ ខែកញ្ញា ឆ្នាំ២០២៦ នៅមន្ទីរពេទ្យបង្អែកកំពង់ត្របែក។

លេខទូរស័ព្ទទំនាក់ទំនង៖ ០៧៧ ៩៥៩ ៤៧១/០៧០ ៣០១ ០១៣៕

ដោយ ចាន់ សុភឿន (ប្រភព៖ មជ្ឈមណ្ឌលព្យាបាលកុមារ បេះដូងជប៉ុន)