AKP បន្ទាយមានជ័យ ថ្ងៃទី២៤ ខែកក្កដា ឆ្នាំ២០២៦--

នៅថ្ងៃទី២៤ ខែកក្កដា ឆ្នាំ២០២៦នេះ គឺជាខួបគម្រប់មួយឆ្នាំដែលកងកម្លាំងយោធាថៃបានបើកប្រតិបត្តិការដែលគ្រោងទុកជាមុន ឈ្លានពានដែនអធិបតេយ្យភាពកម្ពុជា! ពិតមែនតែសង្គ្រាមឈ្លានពានលើកទី១ ថៃពុំបានកាន់កាប់តំបន់ណាមួយ ប៉ុន្តែសង្គ្រាមឈ្លានពានលើកទី២ ថៃបានរំលោភបំពាន កាន់កាប់ បំផ្លិចបំផ្លាញ រួមជាមួយការរាយលួសបន្លា និងដាក់ទូកុងតឺន័រ រារាំងមិនឱ្យប្រជាពលរដ្ឋភៀសសឹកទៅកាន់លំនៅឋានវិញ។

ប្រជាពលរដ្ឋនៅភូមិរង់ចាំ១ ដល់ភូមិរង់ចាំ៦ ដែលជាភូមិទើបបង្កើតថ្មីក្នុងឆ្នាំ២០២៦ ភាគច្រើនមកពីតំបន់បឹងត្រកួន ភូមិជោគជ័យ និងភូមិព្រៃចាន់។ ភូមិទាំងនេះ គឺជាភស្តុតាងយ៉ាងជាក់ស្តែង នៃការរំលោភអធិបតេយ្យភាពកម្ពុជា ហើយក៏ជាសក្ខីភាពនៃការឈឺចាប់ អត់ធ្មត់ ស៊ូទ្រាំ និងក្តីសង្ឃឹមថានៅថ្ងៃណាមួយ ពួកគាត់នឹងបានត្រលប់ទៅលំនៅឋានវិញ។

រូបថត៖ ខឹម សុវណ្ណារ៉ា