AKP ភ្នំពេញ ថ្ងៃទី៣០ ខែមិថុនា ឆ្នាំ២០២៦---
អគ្គនាយកអង្គភាពស៊ីម៉ាក់បានឱ្យដឹងថាក្រោយបានអានសៀវភៅស្រាវជ្រាវចងក្រងប្រវត្តិរឿងរ៉ាវការទម្លាក់គ្រាប់បែកពីយន្តហោះក្នុងសង្គ្រាមសៀមឈ្លានពាន​ ទម្លាក់កម្ទេច"ស្ពានជ័យជន្នះ​"​ដោយគ្រាប់បែកប្រភេទMK-82 ចំនួន៧គ្រាប់ ដែលក្នុងមួយគ្រាប់ៗមានទម្ងន់ប្រមាណ២ ៣០គីឡូក្រាមដោយហោះហេីរទម្លាក់ចំនួន២លេីក។

ឯកឧត្តម ហេង រតនា អគ្គនាយកស៊ីម៉ាក់បានលើកឡើងលើបណ្តាញសង្គមនៅថ្ងៃទី៣០ ខែមិថុនា ឆ្នាំ២០២៦បានឱ្យដឹងថាតាមការរៀបរាប់ថាការកសាងស្ពាននៅចំនុចនេះដំបូងនៅឆ្នាំ១៩៨៤​ ដឹកនាំកសាងផ្ទាល់ដោយប៉ុល​ ពត​ នឹងបានដាក់ឈ្មោះស្ពាននេះថា​ "សា្ពនប្តេជ្ញាឈ្នះ"​ នៅយុទ្ធនាការរដូវប្រាំងឆ្នាំ១៩៨៥​ កងទ័ពរដ្ឋាភិបាលប្រជាមានិតកម្ពុជា​បានវាយដណ្តេីមជ័យជន្នះនៅទីតាំងនេះ​ និងបានកសាងស្ពានដែកជាថ្មីដោយប្រសិទ្ធនាម​ថា "ស្ពានជ័យជន្នះ"​ រហូត មកដល់បច្ចុប្បន្ន​ និងមានអ្នកខ្លះហៅថា"ស្ពានមេទឹក"​! ។

ឯកឧត្តមបន្តថា សមិទ្ធផលជាប្រវត្តិសាស្ត្រនៃស្ពាននិងផ្លូវថ្មីនៅតំបន់នេះ​ ត្រូវបានរាជរដ្ឋាភិ បាលសម្ពោធដាក់ឱ្យប្រេីប្រាស់ជាផ្លូវការក្នុងឆ្នាំ២០២០​ ជាកិច្ចប្រតិបត្តិការដ៍ថ្លៃថ្លាជាមួយរដ្ឋាភិបាលចិន។
ឯកឧត្តមលើកឡើងថាពេលបានអានរឿងរ៉ាវសោកដនាកម្មនៃការទម្លាក់គ្រាប់បែកបំផ្លាញ​ "ស្ពានជ័យជន្នះ​"​ ដែលបានកេីតឡេីងកាលពីថ្ងៃទី១៣​ ខែធ្នូ​ ឆ្នាំ២០២៥នោះ​ ខ្ញុំពិតជាចាប់អារម្ម ណ៍យ៉ាងខ្លាំងលេី​វាចាកថាសង្ខេបខ្លីរបស់ក្រុមស្រាវជ្រាវ​ ដែលមានខ្លឹមសារដូចខាងក្រោម៖​ "នៅក្រោមចរន្តទឹកហូរកាត់ពីលើបំណែកបាក់បែកដោយសារគ្រាប់បែករបស់ខ្មាំង! ស្ពានមេទឹកកំពុងឈរយ៉ាងស្ងៀមស្ងាត់ក្នុងនាមជា «សាក្សី» នៃសោកវិនាសកម្មដែលមិនអាចបំភ្លេចបាន។ ការទម្លាក់គ្រាប់បែកកម្ទេចស្ពានពីសំណាក់ចោរសៀមឈ្លានពាននេះ មិនត្រឹមតែជាការកាត់ផ្តាច់រូបវន្តនៃផ្លូវគមនាគមន៍ប៉ុណ្ណោះ ទេ ប៉ុន្តែវាគឺជាការកាត់ផ្តាច់ទំនាក់ទំនងរវាងមនុស្សនិងមនុស្ស និងការបំផ្លាញសេចក្តីសុខសាន្តនៃមាតុភូមិជាទីស្រលាញ់របស់យើង។

បំណែកដែកនិងសសរស្ពានមេទឹកដែលបាក់បែកនៅក្នុងឃុំថ្មដា ពុំមែនគ្រាន់តែជាកម្ទេចបេតុងដែលរលត់ចោលទៅក្នុងអតីតកាលដោយទទេៗនោះឡើយ ប៉ុន្តែវាគឺជាសាក្សីរស់នប្រវត្តិសាស្ត្រដ៏សែនឈឺចុកចាប់ និងជាស្នាមរបួសដែលបន្សល់ទុកពីអណ្តាតភ្លើងនៃសង្គ្រាមឈ្លានពានដ៏យង់ឃ្នងមួយ។​ ឯកសារនេះ សម្រាប់ទុកជាភស្តុតាង ដើម្បីរំលឹកនូវការលះបង់និងការឆ្លងកាត់វេលាដ៏លំបាកលំបិនរបស់សង្គមជាតិយើង ព្រមទាំងទុកជាមេរៀនដល់យុវជនជំនាន់ក្រោយ ឱ្យយល់ច្បាស់អំពីតម្លៃនៃ«សន្តិភាព»! ៕

ដោយ៖ ប៊ុនរិទ្ធ