AKPកំពង់ធំថ្ងៃទី១៩ខែមិថុនាឆ្នាំ២០២៦--លោក ជា វ៉ាន់ចាន់ អភិបាលអភិបាលរងខេត្ត សមាជិកអចិន្ត្រៃយ៍គណ:កម្មាធិការរណសិរ្សសាមគ្គីនិងអភិវឌ្ឍន៍ខេត្តកំពង់ធំ តំណាងឯកឧត្តមនួន ផារ័ត្ន អភិបាលនៃគណ:អភិបាលខេត្តកំពង់ធំកាលពីថ្ងៃទី១៩ខែមិថុនាឆ្នាំ២០២៦ បានអញ្ជើញគោរពវិញ្ញាណក្ខន្ធ និងដាក់កម្រងផ្កាក្នុងពិធីរំលឹកខួបអនុស្សាវរីយ៍លេីកទី៤៩ទិវានៃការចងចាំដំណេីរឆ្ពោះទៅកាន់ការផ្តួលរំលំរបបប្រល័យពូជសាសន៍ ប៉ុល ពត(២០មិថុនា១៩៧៧-២០មិថុនា២០២៦) នៅមហាចេតីយ៍ ស្ថិតនៅតំបន់ប្រវត្តិសាស្រ្តយោធាតេជោកោះថ្ម X16 ឃុំទន្លូង ស្រុកមេមត់ ខេត្តត្បូងឃ្មុំដោយមានការអញ្ជើញចូលរួមពីប្រធានមន្ទីរអង្គភាពជុំវិញខេត្ត។

លោក ជា វ៉ាន់ចាន់ លើកឡើងពីប្រវត្តិសាស្រ្តយោធាតេជោកោះថ្ម X16 ស្ថិតនៅឃុំទន្លូង ស្រុកមេមត់ ខេត្តត្បូងឃ្មុំ គឺជាកន្លែងមានសារៈសំខាន់ខ្លាំងក្នុងប្រវត្តិសាស្រ្តសង្គ្រាម និងនយោបាយរបស់កម្ពុជា។នៅថ្ងៃទី២០ ខែមិថុនា ឆ្នាំ១៩៧៧ ទីតាំងX16 កោះថ្ម គឺជាកន្លែងដែលសម្ដេចតេជោ ហ៊ុន សែននិងសមមិត្តបានចាប់ផ្តើមដំណើរ “ឆ្ពោះទៅរកការរំដោះជាតិ” ដោយឆ្លងទៅប្រទេសវៀតណាម ដើម្បីស្វែងរកការគាំទ្រក្នុងការប្រយុទ្ធផ្តួលរំលំរបប ប៉ុល ពត។

លោកជា វ៉ាន់ចាន់បានបន្តថាដំណើរនេះត្រូវបានគេចាត់ទុកថា ជាចំណុចចាប់ផ្តើមនៃចលនាតស៊ូ ដែលបញ្ចប់ដោយការដួលរលំនៃរបបប្រល័យពូជសាសន៍ នៅឆ្នាំ១៩៧៩។ តំបន់នេះត្រូវបានគេចាត់ទុកថាជាទីកន្លែងចងចាំជាតិ ពាក់ព័ន្ធនឹងការសង្គ្រោះប្រទេសពីរបបខ្មែរក្រហម។ រាជរដ្ឋាភិបាលកម្ពុជាតែងតែប្រារព្ធពិធី ខួបអនុស្សាវរីយ៍ថ្ងៃទី២០ ខែមិថុនា នៅទីនេះរៀងរាល់ឆ្នាំ ដើម្បីរំលឹកដំណើរការនេះ។ 

លោក ជា វ៉ាន់ចាន់ សមាជិកអចិន្ត្រៃយ៍គណ:កម្មាធិការរណសិរ្សសាមគ្គី និងអភិវឌ្ឍន៍ខេត្តកំពង់ធំបានបញ្ជាក់ថា តំបន់កោះថ្ម X16 ត្រូវបានអភិវឌ្ឍជាតំបន់ប្រវត្តិសាស្ត្រ និងទេសចរណ៍មានសំណង់ដូចជា វេទិកាពិធី សាលាសំណាក់ និងហេដ្ឋារចនាសម្ព័ន្ធផ្សេងៗ។ គម្រោងអភិវឌ្ឍជាតំបន់សេដ្ឋកិច្ចពិសេស នៅជាប់ព្រំដែនកម្ពុជា-វៀតណាមផងដែរ។ជាកន្លែងចាប់ផ្តើមដំណើរតស៊ូរំដោះជាតិជាសញ្ញានៃប្រវត្តិសាស្ត្រសង្គ្រាមនិងនយោបាយជាទីកន្លែងអប់រំ និងទេសចរណ៍ប្រវត្តិសាស្ត្រ៕

ដោយ៖ ស៊ុម វណ្ណា