AKP ភ្នំពេញ ថ្ងៃទី២៦ ខែឧសភា ឆ្នាំ២០២៦--ឯកឧត្តម អុល រ៉ូ រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា នៅថ្ងៃទី២៥ ខែឧសភា ឆ្នាំ២០២៦ បានអញ្ជើញជាអធិបតីភាពដឹកនាំកិច្ចប្រជុំផ្សព្វផ្សាយ «បញ្ជីថ្នាក់ជាតិស្តីពីឧបករណ៍បច្ចេកវិទ្យាជំនួយជាអាទិភាព»។

នៅក្នុងឱកាសនោះ ឯកឧត្តម អុល រ៉ូ បានលើកឡើងថា កិច្ចប្រជុំនេះមានគោលបំណង ដើម្បីផ្សព្វផ្សាយ និងដាក់ឱ្យប្រើប្រាស់បញ្ជីថ្នាក់ជាតិ ស្តីពីឧបករណ៍បច្ចេកវិទ្យាជំនួយជាអាទិភាព ជូនដល់ស្ថាប័នពាក់ព័ន្ធ ប្រតិបតិ្តករ និងអ្នកប្រើប្រាស់សេវា ដើម្បីទទួលបានព័ត៌មានអំពីឧបករណ៍បច្ចេកវិទ្យាជំនួយសំខាន់ៗ របស់ក្រសួង ។

កិច្ចប្រជុំនេះមានការចូលរួមពី ឯកឧត្តមប្រតិភូរាជរដ្ឋាភិបាលទទួលបន្ទុកជានាយកមូលនិធិជនពិការ ឯកឧត្តមអគ្គនាយកគោលនយោបាយសង្គមកិច្ច រាជធានី ខេត្ត តំណាងអង្គការ CHAI, All ear Cambodia, UNDP, WHO, Fred Hollows Foundation, តំណាងនាយកដ្ឋាន និងអង្គការពាក់ព័ន្ធទាំងអស់៕ 

ដោយ ណយ នឿន (ប្រភព៖ក្រសួងសង្គមកិច្ច)