AKP ភ្នំពេញ ថ្ងៃទី១៦ ខែមីនា ឆ្នាំ២០២៦ -- ក្រសួងសុខាភិបាលអ៊ីរ៉ង់បាននិយាយកាលពីថ្ងៃអាទិត្យថា យ៉ាងហោចណាស់ស្ត្រីចំនួន ២២៣នាក់ និងកុមារចំនួន ២០២នាក់ត្រូវបានសម្លាប់នៅក្នុងការវាយប្រហាររវាងសហរដ្ឋអាមេរិក និងអ៊ីស្រាអែលលើអ៊ីរ៉ង់ចាប់តាំងពីថ្ងៃទី២៨ ខែកុម្ភៈ។

ក្រសួងបាននិយាយនៅក្នុងសេចក្តីថ្លែងការណ៍មួយដែលចេញផ្សាយដោយទីភ្នាក់ងារសារព័ត៌មាន Fars News Agency ថា អ្នកស្លាប់រួមមានស្ត្រីមានផ្ទៃពោះចំនួន ៣នាក់ និងកុមារអាយុក្រោម ៥ឆ្នាំចំនួន ១២នាក់។ ក្រសួងបានបន្ថែមថា កុមារចំនួន ៤១នាក់ក៏បានរងរបួសនៅក្នុងការវាយប្រហារនេះផងដែរ។

យោងតាមសេចក្តីថ្លែងការណ៍បានឱ្យដឹងថា ការវាយប្រហាររវាងសហរដ្ឋអាមេរិក និងអ៊ីស្រាអែល បានបង្កការខូចខាតយ៉ាងធ្ងន់ធ្ងរដល់ហេដ្ឋារចនាសម្ព័ន្ធថែទាំសុខភាពរបស់អ៊ីរ៉ង់ ដោយមានមណ្ឌលសុខភាពចំនួន១៥៣កន្លែងរងការខូចខាតនៅទូទាំងប្រទេស។

អរិភាពបានកើនឡើងចាប់តាំងពីថ្ងៃទី២៨ ខែកុម្ភៈ នៅពេលដែលអ៊ីស្រាអែល និងសហរដ្ឋអាមេរិក បានបើកការវាយប្រហាររួមគ្នាលើអ៊ីរ៉ង់ដោយបានសម្លាប់មនុស្សប្រហែល ១២០០នាក់ រួមទាំងមេដឹកនាំកំពូលលោក អាយ៉ាតូឡា អាលី ខាមីណី (Ayatollah Ali Khamenei) ផងដែរ។

ប្រទេសអ៊ីរ៉ង់បានសងសឹកដោយការវាយប្រហារដោយយន្តហោះគ្មានមនុស្សបើក និងមីស៊ីលដែលកំណត់គោលដៅលើអ៊ីស្រាអែល ហ្ស៊កដានីអ៊ីរ៉ាក់ និងប្រទេសជាប់ឈូងសមុទ្រដែលមានទ្រព្យសម្បត្តិយោធាអាម៉េរិក៕

ដោយ៖ មូល មិនា (ប្រភព៖ AA-AKP)