AKP ភ្នំពេញ ថ្ងៃទី២១ ខែមេសា ឆ្នាំ២០២៦ -- ប្រទេសប៊ុលហ្គារីបានធ្វើការបោះឆ្នោតសភាកាលពីថ្ងៃទី១៩ ខែមេសា ឆ្នាំ២០២៦។

គណៈកម្មការរៀបចំការបោះឆ្នោតកណ្តាល (CEC) បានចេញផ្សាយលទ្ធផលបឋមពីការបោះឆ្នោតសភាដែលបានធ្វើឡើងនៅថ្ងៃទី១៩ ខែមេសាឆ្នាំ២០២៦ នោះ ដោយផ្អែកលើសន្លឹកឆ្នោត ១០០% ដែលបានដំណើរការនៅមណ្ឌលបោះឆ្នោតរបស់គណៈកម្មការរៀបចំការបោះឆ្នោត គិតត្រឹមម៉ោង៣:០០នាទីរសៀលថ្ងៃចន្ទ។

ខាងក្រោមនេះ គឺជាគណបក្ស និងសម្ព័ន្ធភាពដែលឆ្លងកាត់កម្រិតបោះឆ្នោត ៤%៖

គណបក្សប៊ុលហ្គារីរីកចម្រើន ទទួលបានសំឡេងឆ្នោត ៤៤.៥៩៤%

គណបក្ស GERB-UDF ទទួលបានសំឡេងឆ្នោត ១៣.៣៨៧%

គណបក្សបន្តការផ្លាស់ប្តូរ – ប៊ុលហ្គារីប្រជាធិបតេយ្យ ទទួលបានសំឡេងឆ្នោត ១២.៦១៨%

គណបក្សចលនាដើម្បីសិទ្ធិ និងសេរីភាព ទទួលបានសំឡេងឆ្នោត ៧.១២០%

គណបក្ស Vazrazhdane ទទលបានសំឡេងឆ្នោត ៤.២៥៧%។

យោងតាមក្រមបោះឆ្នោត គណៈកម្មការ CEC ត្រូវតែប្រកាសសន្លឹកឆ្នោតដែលទទួលបាន និងការបែងចែកអាសនៈក្នុងចំណោមគណបក្សនិងសម្ព័ន្ធភាពមិនឱ្យលើសពីបួនថ្ងៃបន្ទាប់ពីថ្ងៃបោះឆ្នោត និងឈ្មោះសមាជិកសភាជាប់ឆ្នោតមិនឱ្យលើសពីប្រាំពីរថ្ងៃបន្ទាប់ពីថ្ងៃបោះឆ្នោត។

នេះ គឺជាការបោះឆ្នោតសភាលើកទីប្រាំបីនៅក្នុងប្រទេសប៊ុលហ្គារីចាប់តាំងពីឆ្នាំ២០២១៕

ដោយ៖ យា ចិន្ដាខន្ដី (ប្រភព៖ BTA)