AKP ភ្នំពេញ ថ្ងៃទី០៩ ខែមីនា ឆ្នាំ២០២៦ -- រដ្ឋមន្ត្រីក្រសួងការពារជាតិអាហ្វហ្គានីស្ថាន លោក ម៉ូហាមម៉ាដ យ៉ាកូប មូចាហ៊ីដ (Mohammad Yaqoob Mujahid) បាននិយាយថា ប្រទេសនេះមិនមានបំណងចង់បង្កើនអរិភាពជាមួយប្រទេសប៉ាគីស្ថានទេ ហើយចង់បានដំណោះស្រាយដោយសន្តិវិធីតាមរយៈការចរចា។

នៅក្នុងបទសម្ភាសន៍ជាមួយប្រព័ន្ធផ្សព្វផ្សាយក្នុងស្រុក TOLOnews កាលពីថ្ងៃសៅរ៍ លោកបានកត់សម្គាល់ថា ប្រទេសអាហ្វហ្គានីស្ថានមិនបានបង្កការប៉ះទង្គិចគ្នានោះទេ ប៉ុន្តែត្រូវបានបង្ខំឱ្យឆ្លើយតបទៅនឹងការឈ្លានពាន។

រដ្ឋមន្ត្រីរូបនេះបាននិយាយថា «សាររបស់យើងទៅកាន់ប្រទេសដែលសម្របសម្រួលគឺថា យើងមិនស្វែងរកសង្គ្រាមទេ ហើយយើងជឿជាក់លើការចរចា»។

ភាពតានតឹងផ្នែកយោធារវាងប្រទេសអាហ្វហ្គានីស្ថាន និងប៉ាគីស្ថានបានកើនឡើងថ្មីៗនេះ ដោយភាគីទាំងពីរចោទប្រកាន់គ្នាទៅវិញទៅមកថាបានផ្តួចផ្តើមអំពើហិង្សា៕

ដោយ៖ មូល មិនា (ប្រភព៖ ភីបផលដេលី)