AKP ភ្នំពេញ ថ្ងៃទី០៣ ខែមករា ឆ្នាំ២០២៥ -- សារព័ត៌មានរដ្ឋមីយ៉ាន់ម៉ា Myanma Alinn បានរាយការណ៍កាលពីថ្ងៃព្រហស្បតិ៍ថា អាជ្ញាធរមីយ៉ាន់ម៉ាបានរឹបអូសសារធាតុហេរ៉ូអ៊ីនចំនួន ១១ គីឡូក្រាម និងគ្រាប់ថ្នាំរំញោចចំនួន ២០០.០០០គ្រាប់នៅកណ្តាលប្រទេសមីយ៉ាន់ម៉ា។

របាយការណ៍បាននិយាយថា ដោយទទួលបានព័ត៌មាន ប៉ូលិសប្រឆាំងគ្រឿងញៀនបានឆែកឆេររថយន្តមួយនៅក្នុងសង្កាត់ចាណាយេថាហ្សាន់ (Chanayethazan) នៃតំបន់ម៉ានដាឡេយ (Mandalay) កាលពីថ្ងៃទី២៧ ខែធ្នូ ឆ្នាំ២០២៤ និងរឹបអូសបានសារធាតុហេរ៉ូអ៊ីនចំនួន ២,៨ គីឡូក្រាម រួមជាមួយជនសង្ស័យ ២នាក់។

យោង​តាម​ការ​ស៊ើប​អង្កេត បានឱ្យដឹងថា សារធាតុហេរ៉ូអ៊ីន ៨,២​គីឡូក្រាម និង​ថ្នាំ​រំញោច​២០​ម៉ឺន​គ្រាប់ត្រូវ​បាន​រក​ឃើញ​នៅ​ផ្ទះ​ជន​សង្ស័យ​ម្នាក់​ទៀត​ក្នុង​សង្កាត់​ដដែល។ របាយការណ៍​បាន​បន្ត​ថា គ្រឿង​ញៀន​ដែល​រឹប​អូស​បាន​មាន​តម្លៃ ៥៧៥លាន​ចាត់ (ប្រហែល ០,២៧លាន​ដុល្លារអាម៉េរិក)។ ជនសង្ស័យទាំង ៣នាក់ត្រូវបានចោទប្រកាន់ក្រោមច្បាប់របស់ប្រទេស ហើយការស៊ើបអង្កេតបន្ថែមកំពុងដំណើរការ៕

ដោយ៖ មូល មិនា (ប្រភព៖ ភីបផលដេលី)