AKP ខេត្តព្រះសីហនុ ថ្ងៃទី១៥ ខែតុលា ឆ្នាំ២០២៦--ឯកឧត្តម វង្ស ផាណាត ប្រធានក្រុមប្រឹ ក្សាខេត្ត ឯកឧត្តម ម៉ាង ស៊ីណេត អភិ បាល នៃគណៈអភិបាលខេត្តព្រះសីហនុ ដឹកនាំមន្ត្រីរាជការ កងកម្លាំងប្រដាប់អាវុធ និងអង្គភាពពាក់ព័ន្ធ រៀបចំព្រះ រាជពិធីគោរពវិញ្ញាណក្ខន្ធ បង្សុកូលថ្វាយព្រះករុណា ព្រះបាទសម្ដេច នរោត្តម សីហនុ ព្រះមហាវីរក្សត្រ ព្រះវរ រាជបិតាឯករាជ្យ បូរណ ភាពទឹកដី និងឯកភាពជាតិខ្មែរ ព្រះបរមរតនកោដ្ឋគម្រប់ខួប ១៤ឆ្នាំនៃការសោយទីវង្គត់នៅថ្ងៃអាទិត្យទី១៥ ខែតុលា ឆ្នាំ២០១២ ១៥តុលា ២០២៦។
 
សូមសម្តែងនូវសេចក្តីគោរព និងកតញ្ញូកតវេទិតាធម៌ដ៏ជ្រាលជ្រៅបំផុតចំពោះ ព្រះករុណា ព្រះ បាទសម្តេចព្រះនរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យ បូរណភាពទឹកដី និងឯក ភាពជាតិខ្មែរ "ព្រះបរមរតនកោដ្ឋ"។ 

ទិវា ១៥តុលា គឺជាប្រវត្តិសាស្ត្រដែលប្រជាពលរដ្ឋខ្មែរគ្រប់រូបចងចាំមិនភ្លេចនូវព្រះរាជបូជនីយកិច្ចដ៏ថ្លៃថ្លាបំផុតរបស់ព្រះអង្គក្នុងការទាមទារឯករាជ្យជូនជាតិមាតុភូមិ ព្រមទាំងព្រះរាជសកម្មភាពជា ច្រើនក្នុងការកសាងសង្គមរាស្ត្រ និយមឱ្យប្រទេសកម្ពុជារីក ចម្រើនរុងរឿង។
 
សូមបួងសួងដល់វត្ថុស័ក្តិសិទ្ធិក្នុងលោក និងព្រះបារមី នៃព្រះមហាវីរក្សត្រខ្មែរគ្រប់ព្រះអង្គ សូមទ្រង់ ប្រោសព្រះរា ជទានពរជ័យ និងទ្រង់យាងទៅកាន់ព្រះបរមសុគតិភពកុំបីឃ្លៀងឃ្លាតឡើយ។

ទូលព្រះបង្គំជាខ្ញុំទាំងអស់គ្នា សូមសម្តែងនូវសេចក្តីគោរព និងកតញ្ញូកតវេទិតាធម៌ដ៏ជ្រាលជ្រៅបំផុត ថ្វាយចំពោះព្រះ ករុណា ព្រះបាទសម្តេចព្រះ នរោត្តម សីហនុ «ព្រះបរមរតនកោដ្ឋ» ដែលទ្រង់បានលះបង់ព្រះកាយពល និងព្រះបញ្ញាញាណដ៏ខ្ពង់ខ្ពស់បំផុតពេញមួយព្រះជន្មាយុរបស់ព្រះអង្គ ក្នុងព្រះរាជ បូជនីយកិច្ចដ៏ថ្លៃថ្លាទាមទារឯករាជ្យពេញលេញជូនជាតិ មាតុភូមិពីអាណា និគមនិយមបារាំង នាថ្ងៃទី ៩វិច្ឆិកា ១៩៥៣។ ការពារបូរណភាពទឹកដី និងសន្តិភាពជូនប្រជានុរាស្ត្រខ្មែរក្នុងសម័យសង្គមរាស្ត្រ និយមឱ្យមានការអភិវឌ្ឍរីកចម្រើនលើគ្រប់វិស័យ។

ការបង្រួបបង្រួមជាតិ និងផ្សះផ្សាជាតិរហូតឈានទៅរកកិច្ចព្រមព្រៀងសន្តិភាពទីក្រុងប៉ារីស ២៣ តុលា ១៩៩១ និងការបង្កើតព្រះរាជាណាចក្រកម្ពុជាទី២។

ទូលព្រះបង្គំជាខ្ញុំទាំងអស់គ្នាគ្មានថ្ងៃភ្លេចបានឡើយនូវព្រះមហាករុណាទិគុណដ៏ធំធេងមិនអាចកាត់ថ្លៃបាន ហើយសូមសច្ចាប្រណិធាននឹងខិតខំរួបរួមសាមគ្គីគ្នា ថែរក្សាសន្តិភាព ការពារឯករាជ្យ អធិបតេយ្យ និងអភិវឌ្ឍប្រទេស ជាតិឱ្យកាន់តែរីកចម្រើនរុងរឿង។
 
សូមបួងសួងដល់តេជបារមី នៃវត្ថុស័ក្តិសិទ្ធិក្នុងលោក ព្រះបារមីនៃព្រះមហាវីរក្សត្រខ្មែរគ្រប់ព្រះអង្គ និងបារមីនៃព្រះបរមរតនកោដ្ឋ សូមទ្រង់ប្រោសប្រទានពរជ័យ និងទ្រង់យាងទៅកាន់ព្រះបរមសុគតិភព កុំបីឃ្លៀងឃ្លាតឡើយ ៕

ដោយ ៖ ងូសុមុនី