AKP ភ្នំពេញ ថ្ងៃទី២៣ ខែកញ្ញា ឆ្នាំ២០២៦ -- អ្នកនាំពាក្យក្រសួងការបរទេសចិនបានប្រកាសកាលពីថ្ងៃអង្គារថា អនុប្រធានរដ្ឋចិន លោកហាន ចឹង (Han Zheng) នឹងអញ្ជើញចូលរួមក្នុងកិច្ចពិភាក្សាទូទៅនៃសម័យប្រជុំលើកទី៨១ របស់មហាសន្និបាតអង្គការសហប្រជាជាតិ (UNGA) នៅទីក្រុងញូវយ៉ក ចាប់ពីថ្ងៃទី២៤ ដល់ថ្ងៃទី២៦ ខែកញ្ញា។

អ្នកនាំពាក្យរូបនេះបានឱ្យដឹងថា ក្រៅពីកិច្ចពិភាក្សាទូទៅនោះ លោកហាន នឹងចូលរួមក្នុងកិច្ចសន្ទនាកម្រិតកំពូលស្តីពីខួបលើកទី៥ នៃគំនិតផ្តួចផ្តើមអភិវឌ្ឍន៍សកល (Global Development Initiative) ដែលរៀបចំឡើងដោយប្រទេសចិន ព្រមទាំងជួបពិភាក្សាជាមួយអគ្គលេខាធិការអង្គការសហប្រជាជាតិ ប្រធានសម័យប្រជុំលើកទី៨១ នៃមហាសន្និបាតអង្គការសហប្រជាជាតិ និងថ្នាក់ដឹកនាំនៃប្រទេសពាក់ព័ន្ធនានាផងដែរ៕

ដោយ៖ មូល មិនា (ប្រភព៖ ភីបផលដេលី)