AKPកំពង់ធំថ្ងៃទី១៨ខែកញ្ញា ឆ្នាំ២០២៦ -- នៅបញ្ជាការដ្ឋានកងរាជអាវុធហត្ថកំពង់ធំកាលពីថ្ងៃទី១៧ខែកញ្ញាឆ្នាំ ២០២៦បានរៀបចំពិធីបើកវគ្គបំប៉នជំនាញការងារអនុវត្តកាតព្វកិច្ចយោធាដល់នាយទាហាន នាយទាហានរងនៃកងរាជអាវុធហត្ថខេត្តកំពង់ធំ ។

វគ្គបំប៉នក្រោមអធិបតីភាពលោកឧត្តមសេនីយ៍ត្រី មាស យ៉ត មេបញ្ជាការកងរាជអាវុធហត្ថខេត្តកំពង់ធំដោយមានការអញ្ជើញចូលរួមពីលោកមេបញ្ជាការរងខេត្ត ប្រធាន អនុប្រធានមន្ទីរ នាយការិ យាល័យមេបញ្ជាការមូលដ្ឋាន កងរាជអាវុធ ហត្ថក្រុង/ស្រុកទាំង៩ ព្រមទាំងនាយទាហាន នាយទាហានរងនិងពលទាហានជាសិក្ខាកាមជាច្រើនរូប។

លោកឧត្តមសេនីយ៍ត្រី មាស យ៉ត បានលើកឡើងថាការបើកវគ្គបំប៉នជំនាញការងារអនុវត្តកាតព្វកិច្ចយោធាដល់នាយទាហាន នាយទាហានរងនិងពលទាហាននៃកងរាជអាវុធហត្ថកំពង់ធំ នេះគឺមានសារៈសំខាន់ណាស់ដល់ដំណើរការអនុវត្តជំនាញនិងនីតិវិធីច្បាប់ស្ដីពីច្បាប់កាតព្វកិច្ចយោធា។

លោកឧត្តមសេនីយ៍ត្រីមេបញ្ជាការបានណែនាំបន្ថែមដល់នាយទាហាន នាយទា ហានរងនិងពលទាហានជាសិក្ខាកាមទាំងអស់ដែលមកសិក្សាវគ្គបំប៉នជំនាញនេះត្រូវយកចិត្តទុកដាក់សិក្សារៀនសូត្រពីគ្រូបង្គោលដែលទទួលបានការបណ្ដុះ បណ្ដាលជំនាញពីបញ្ចាការកងរាជអាវុ ធហត្ថលើផ្ទៃប្រទេស ដូចនេះសិក្ខាកាមទាំងអស់ត្រូវយកចំណេះជំនាញទាំងនេះដើម្បីទៅបំពេញការងារ ការអនុវត្តច្បាប់កាតព្វកិច្ចយោធានាពេលខាងមុខនេះឱ្យមានប្រសិទ្ធភាពខ្ពស់នឹងស្របទៅតាម ច្បាប់របស់រាជរដ្ឋាភិបាលដែលបានកំណត់៕

ដោយ៖ ស៊ុម វណ្ណា