AKP ភ្នំពេញ ថ្ងៃទី១៦ ខែកញ្ញា ឆ្នាំ២០២៦-- ឯកឧត្តម លី ស៊ីណូ អនុរដ្ឋលេខាធិការ ក្រសួងធនធានទឹក និងឧតុនិយម និងក្រុមការងារបានអញ្ជើញដឹកនាំក្រុមការងារបច្ចេកទេស ចុះពិនិត្យជាក់ស្តែងពីស្ថានភាពទឹកជំនន់ទន្លេមេគង្គ នៅក្នុងភូមិសាស្ត្រស្រុកត្បូងឃ្មុំ និងស្រុកក្រូចឆ្មារ ខេត្តត្បូងឃ្មុំ នាថ្ងៃពុធ ទី១៦ ខែកញ្ញា ឆ្នាំ២០២៦។

ឯកឧត្តម និងក្រុមការងារ បានចុះពិនិត្យផ្ទាល់លើទីតាំងសំខាន់ៗចំនួន ៤ ទីតាំង រួមមាន៖
ទី១- ពិនិត្យស្ថានភាពផ្លូវបេតុង ស្ថិតក្នុងឃុំជីរោទ៍ទី១ ដើម្បីវាយតម្លៃផលប៉ះពាល់ និងការខូចខាតដែលបង្កឡើងដោយទឹកជំនន់។ ទី២- ពិនិត្យស្ថានភាព និងផលប៉ះពាល់លើផ្ទៃដីស្រូវ ស្ថិតក្នុងឃុំក្រូចឆ្មារ និងឃុំស្វាយឃ្លាំង។ ទី៣- ពិនិត្យទីតាំងច្រាំងបាក់ នៅព្រំប្រទល់ឃុំព៌ស១ និងឃុំរកាខ្នុរ (ម្តុំស្ថានីយសូឡាបូមទឹក) ដើម្បីវាយតម្លៃហានិភ័យ និងផលប៉ះពាល់។ ទី៤- ពិនិត្យស្ថានភាព និងតាមដានសុវត្ថិភាពសំណង់ធារាសាស្ត្រទំនប់ត្បូងដំរី ស្ថិតក្នុងឃុំឈូក ស្រុកក្រូចឆ្មារ ក្នុងអំឡុងពេលដែលកម្ពស់ទឹកជំនន់កំពុងកើនឡើង៕

ដោយ៖ ពេជ្រ សំអឿន (ប្រភព៖ ក្រសួងធនធានទឹក និងឧតុនិយម)