AKPភ្នំពេញ ថ្ងៃទី ១៥ ខែ កញ្ញា ឆ្នាំ ២០២៦--សត្វដំរីអាស៊ី គឺជាថនិកសត្វរស់នៅលើគោកដែលមានមាឌធំជាងគេបង្អស់ក្នុងប្រទេសកម្ពុជា និងជាប្រភេទសត្វព្រៃដ៏សំខាន់ ដែលត្រូវបានចាត់ទុកក្នុងបញ្ជីក្រហមរបស់ IUCN ថាជា សត្វជិតផុតពូជនៅលើពិភពលោក។      

ចាប់ពីថ្ងៃទី៦ដល់ថ្ងៃទី១៥ ខែកញ្ញា ឆ្នាំ២០២៦ មន្រ្តីឧទ្យានុរក្សដែនជ ម្រកសត្វព្រៃស្រែពកនៃមន្ទីរបរិស្ថានខេត្តម ណ្ឌលគិរី គាំទ្របច្ចេកទេសដោយអង្គការ WWF កម្ពុជា បានធ្វើការបំពាក់កាមេរ៉ាស្វ័យប្រវត្តិ នៅតាមគោលដៅសំខាន់ៗក្នុងដែនជម្រកសត្វព្រៃស្រែពក ក្នុងគោលបំណងធ្វើការកំណត់អត្តស ញ្ញាណវត្តមានរបស់សត្វដំរីអាស៊ី និងសិក្សាពីការបំលាស់ទីរបស់វាទៅតាមរដូវកាលនីមួយៗ។

  ជាមួយគ្នានេះដែរ មន្ទីរបរិស្ថានខេត្តមណ្ឌលគិរី បានប្រាប់ដល់ប្រជាពលរដ្ឋដែលឆ្លងកាត់ តំបន់នេះមិនត្រូវបំផ្លាញឬធ្វើឱ្យខូចខាតដល់ឧបករណ៍កាមេរ៉ាស្វ័យប្រវត្តិទាំងនេះ ព្រោះវានឹងផ្តល់ទិន្នន័យសំខាន់ៗរបស់សត្វដំរីអាស៊ី សម្រាប់ការសិក្សាស្រាវជ្រាវជីវៈចម្រុះក្នុងតំបន់មួយនេះ។
  
គួរបញ្ជាក់ថាយោងតាមការស្រាវជ្រាវកន្លងមកបានបង្ហាញថា ដំរីអាស៊ីនៅប្រទេសកម្ពុជាមានចំនួនប្រមាណចន្លោះពី ៤០០ ទៅ ៦០០ ក្បាល ដែលភាគច្រើនរស់នៅក្នុងតំបន់ជួរភ្នំក្រវាញ តំបន់ខ្ពង់រាបខាងជើងបឹងទន្លេសាប និងតំបន់ខ្ពង់រាបភាគខាងកើតក្នុងខេត្តមណ្ឌលគិរី រតនគិរី និង ស្ទឹងត្រែងដែលជាតំបន់ជីវៈចម្រុះដ៏សំបូរបែប ប្រព័ន្ធអេកូទ្បូស៊ី ដែលមានសក្តានុពលខ្ពស់និងមានទីជម្រាលអំណោយផលដល់ការរស់នៅរបស់សត្វដំរី និងសត្វព្រៃផ្សេងៗទៀត។ ចំណែកដំរីស្រុកត្រូវបានប៉ាន់ស្មានថាមានចំនួនជាង ៧០ ក្បាល។
       
ដំរីអាស៊ីត្រូវបានចាត់ទុកថាជាប្រភេទសត្វបង្គោលដ៏សំខាន់ដោយសារសារៈ សំខាន់ផ្នែកវប្បធម៌ តួនាទីក្នុងប្រព័ន្ធអេកូឡូស៊ី និងសក្តានុពលដែលអាចការពារដល់ការរស់រាននៃប្រភេទសត្វផ្សេងៗទៀតនៅ ក្នុងដែនជម្រករបស់វា។
ដំរីមានតួនាទីជាសត្វពង្រាយគ្រប់ពូជក្នុងប្រពន្ធ័អេកូឡូស៊ី។ វាបើកកកាយដីច្រាប អំណោយផលដល់សត្វដ៏ទៃទៀតប្រើប្រាស់៕

ដោយ៖មករា