AKP ភ្នំពេញ ថ្ងៃទី២ ខែកញ្ញា ឆ្នាំ២០២៦--ក្នុងជំនួបពិភាក្សាការងារជាមួយលោកបណ្ឌិត JUN Yongwook សាកលវិទ្យាធិការរងនៃសាកលវិទ្យាល័យ Cheju Halla Universityទូតកម្ពុជាបានស្នើពិនិត្យលទ្ធភាពក្នុងការផ្តល់អាហារូបករណ៍ជូននិស្សិតដែលបញ្ចប់ការសិក្សានៅកូរ៉េ។

នៅព្រឹកថ្ងៃពុធ ទី២  ខែកញ្ញា ឆ្នាំ២០២៦ ឯកឧត្តម ឃួន ផុនរតនៈ ឯកអគ្គរាជទូតកម្ពុជាប្រចាំសាធារណរដ្ឋកូរ៉េ បានទទួលជួបសម្តែងការគួរសម និងពិភាក្សាការងា រជាមួយលោកបណ្ឌិត JUN Yongwook សាកលវិទ្យាធិការរងនៃសាកលវិទ្យាល័យ Cheju Halla University នៅស្ថានទូតកម្ពុជា ក្នុងទីក្រុងសេអ៊ូល។

សាកលវិទ្យាល័យ Cheju Halla ជាសាកលវិទ្យាល័យឯកជនបង្កើតឡើងក្នុងឆ្នាំ ១៩៦៩ នៅខេត្តជេជូ ប្រទេសកូរ៉េ មានមុខវិជ្ជាសិក្សាផ្នែកវិទ្យាសាស្ត្រសង្គ ម និងឈានមុខគេក្នុងការបញ្ចូលបញ្ញាសប្បនិម្មិត AI ក្នុងកម្មវិធីសិក្សា ដូចជា គ្រប់គ្រងប្រព័ន្ធផ្សព្វផ្សាយ ឧស្សាហកម្មឌីហ្សាញ ព័ត៌មានវិទ្យា ដ្រូន និងស្ថាប ត្យកម្មជាដើម។

លោកបណ្ឌិត JUN បានជម្រាបជូនឯកឧត្តមអំពីគម្រោងចង់បង្កើតកិច្ចសហប្រតិបត្តិការជាមួយសាកលវិទ្យាល័យណាមួយក្នុងប្រទេសកម្ពុជា ដោយសហការផ្តល់ឱកាសអាហា រូបករណ៍ដល់និស្សិតកម្ពុជា​ ដែលមានការលំបាកផ្នែកហិរញ្ញវត្ថុ ឱ្យមានឱកាសបន្តការសិក្សាថ្នាក់ឧត្តម​ តាមស្តង់ដារកូរ៉េ លើមុខវិជ្ជាគណនេយ្យតាមកម្មវិធីបញ្ញាសប្បនិម្មិត AI ដែលស្របតាមតម្រូវការទីផ្សារការងារអន្តរជាតិ។

ឯកឧត្តមឯកអគ្គរាជទូត បានសម្តែងការគាំទ្រចំពោះគម្រោង​ ដែលលោកបណ្ឌិតបានលើកឡើង និងបានអញ្ជើញលោកបណ្ឌិតទៅប្រទេសកម្ពុជា​ ដើម្បីជួបពិភា ក្សាជាមួយក្រសួង-ស្ថាប័នអប់រំនៃប្រទេ សកម្ពុជា ហើយស្ថានទូតត្រៀមខ្លួនរួចជាស្រេចក្នុងការជួយសម្របសម្រួលជំនួបខាងលើ។

ឯកឧត្តមក៏បានស្នើសាកលវិទ្យាល័យពិនិត្យលទ្ធភាពក្នុងការផ្តល់អាហារូប ករណ៍ជូននិស្សិតដែលបញ្ចប់ការសិក្សានៅកូរ៉េ និងបងប្អូនសហគមន៍ខ្មែរនៅកូរ៉េ ដែលមានបំណងបន្តការសិក្សាថ្នាក់ឧត្តមនៅសាកលវិទ្យាល័យ Cheju Halla ផងដែរ៕

ដោយ៖ ប៊ុនរិទ្ធ