AKP សៀមរាប ភ្នំពេញ ថ្ងៃទី៤ ខែសីហា ឆ្នាំ២០២៦--ឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងសាធារណៈ​​ បានមានប្រសាសន៍ បើកវេទិកាស្តីពីអភិបាលកិច្ចល្អ ក្នុងក្របខ័ណ្ឌនៃកិច្ចប្រជុំកិច្ចសហប្រតិបត្តិការអាស៊ានលើកទី២៣ (23rd ACCSM) និងអាស៊ានបូកបីលើកទី៨ (8th ACCSM+3) ស្តីពីកិច្ចការមុខងារសាធារណៈ នៅខេត្តសៀមរាបនាព្រឹកថ្ងៃទី០៤ ខែសីហា ឆ្នាំ២០២៦នេះថា វេទិកានេះ រៀបចំឡើងក្នុងគោលបំណង ដើម្បីលើកកម្ពស់ប្រសិទ្ធភាព តម្លាភាព និងនវានុវត្តន៍ក្នុងវិស័យមុខងារសាធារណៈ ក្នុងចំណោមប្រទេសជាសមាជិកអាស៊ាន និងប្រទេសដៃគូ (អាស៊ានបូកបី)។ វេទិកានេះដើរតួជាយន្តការយុទ្ធសាស្ត្រ ក្នុងការបម្រើសេវាសាធារណៈឱ្យកាន់តែខិតជិត និងឆ្លើយតបទៅនឹងតម្រូវការរបស់ប្រជាពលរដ្ឋជាស្នូល។

ឯកឧត្តមបានបន្តថា កិច្ចការងារមុខងារសាធារណៈ បានរួមចំណែកយ៉ាងសំខាន់ ដល់ការកសាងរដ្ឋបាលសាធារណៈ ដែលមានស្តង់ដារខ្ពស់ ព្រមទាំងបានពង្រីកកិច្ចសហប្រតិបត្តិការរបស់យើង។

ឯកឧត្តមបន្តថា ការពង្រឹងនៃកិច្ចសហប្រតិបត្តិការដែលបំពេញឱ្យគ្នា និងជំរុញឱ្យគ្នាទៅវិញទៅមក រវាងបណ្តាប្រទេសជាសមាជិកអាស៊ាន និងប្រទេសអាស៊ានបូនបី គឺពិតជាមិនអាចខ្វះបានឡើយ។ កិច្ចការងារនេះ ទាមទារឲ្យយើងប្រកាន់យកអភិក្រម សហក្រិន និងសហគមន៍ ដើម្បីចាប់យកឱកាសដោះស្រាយបញ្ហាប្រឈម រកដំណោះស្រាយរួម និងចូលរួមចំណែកអភិវឌ្ឍវិស័យសាធារណៈឱ្យកាន់តែមានប្រសិទ្ធភាព គុណភាព និងប្រកបដោយនវានុវត្តន៍៕

ដោយ៖ ឃុត សៅ