AKPកំពង់ធំថ្ងៃទី២៦ខែមិថុនាឆ្នាំ ២០២៦--

ឯកឧត្តម ចាន់ យុត្ថារដ្ឋលេខាធិកាក្រសួងធនធានទឹកនិងឧតុនិយមលើកទឹកចិត្តដល់ក្មួយៗសិស្សានុសិស្សទាំងអស់ឱ្យយកចិត្តទុកដាក់ខិតខំប្រឹងប្រែងរៀនសូត្រដើម្បីទទួលបានលទ្ធផលនៃការប្រឡងល្អប្រសើរនិងចំណេះដឹងខ្ពង់ខ្ពស់ជាពិសេសផ្តោតលើជំនាញបច្ចេកទេសវិជ្ជាជីវៈដែលជាទុនដ៏សំខាន់ក្នុងការចូលរួមចំណែកអភិវឌ្ឍសហគមន៍ និងមូលដ្ឋានរបស់ខ្លួនឱ្យមានការរីកចម្រើន។

ឯកឧត្តមចាន់ យុត្ថាបានលើកទឹកចិត្តបែបនេះ នៅក្នុងឱកាសអញ្ជើញជួបសំណេះសំណាល ជាមួយលោកនាយក លោកគ្រូអ្នកគ្រូសិស្សានុសិស្សថ្នាក់ទី១២ត្រៀមប្រឡងសញ្ញាបត្រមធ្យម សិក្សាទុតិយភូមិ(បាក់ឌុប)នាព្រឹកថ្ងៃទី២៦ខែមិថុនាឆ្នាំ២០២៦នៅវិទ្យាល័យជាស៊ីមប្រឡាយឃុំប្រឡាយស្រុកស្ទោងខេត្តកំពង់ធំ។

ឯកឧត្តម ចាន់ យុត្ថា បានគូសបញ្ជាក់ថានៅក្នុងយុគសម័យឌីជីថលនិងការរីកច ម្រើននៃបច្ចេកវិទ្យា យុវជនមិនត្រឹមតែត្រូវការចំណេះដឹងទូទៅនោះទេ ប៉ុន្តែជំនាញបច្ចេកទេស និងវិជ្ជាជីវៈ (TVET) គឺជាសសរស្តម្ភដ៏រឹងមាំមួយ ដែលជួយឱ្យយុវជនមានឱកាសការងារខ្ពស់និងអាចបង្កើតមុខរបរដោយខ្លួនឯងបានយ៉ាងងាយស្រួល។

ទន្ទឹមនឹងនេះការរៀនសូត្រឱ្យមានចំ ណេះ ដឹងពិតប្រាកដនិងមានជំនាញច្បាស់លាស់ក្នុងដៃគឺជាការកសាងអនាគតខ្លួនឯងផងនិងជាកម្លាំងចលករយ៉ាងសំខាន់ក្នុងការជួយលើកកម្ពស់សេដ្ឋកិច្ចគ្រួសារ និងសង្គមជាតិទាំងមូលផងដែរ ហើយមូលដ្ឋានមួយអាចរីកច ម្រើនទៅបាន គឺអាស្រ័យទៅលើធនធានមនុស្សដែលមានសមត្ថភាព។នៅពេលដែលសិស្សានុសិស្សមានចំ ណេះដឹង និងបច្ចេកទេសខ្ពង់ខ្ពស់ ពួកគេនឹងក្លាយជាកម្លាំងបន្តវេនក្នុងការអភិវឌ្ឍភូមិ-ឃុំរបស់ខ្លួន ដោយមិនបាច់ពឹងផ្អែកតែលើកម្លាំងពលកម្មពីខាងក្រៅនោះឡើយ។

ដើម្បីសម្រេចបាននូវគោលដៅនេះឯកឧត្តមរដ្ឋលេខាធិការបានផ្តល់ជាអនុសាសន៍សំខាន់ៗមួយចំនួនដល់សិស្សានុសិស្ស រួមមាន÷ត្រូវប្រកាន់ខ្ជាប់នូវវិន័យ និងសីលធម៌ រក្សាខ្លួនឱ្យឆ្ងាយពីគ្រឿងញៀន និងអំពើអបាយមុខផ្សេងៗ ការចេះចាប់យកឱកាស ស្វែងយល់ពីវគ្គបណ្តុះបណ្តាលជំនាញបច្ចេកទេសដែលរាជរដ្ឋាភិបាលកំពុងជំរុញ ការរៀនសូត្រពេញមួយជីវិត។ ត្រូវខិតខំក្រេបជញ្ជក់ចំណេះដឹងជានិច្ច មិនថាក្នុង ឬក្រៅសាលារៀន។

ឯកឧត្តមចាន់ យុត្ថាបានថ្លែងអំណរ គុណដល់ លោកនាយកសាលា លោកគ្រូអ្នកគ្រូ និងមាតាបិតាគ្រប់រូប ដែលបានខិតខំលះបង់កម្លាំងកាយចិត្តក្នុងការអប់រំទូន្មានប្រដៅណែនាំកូនចៅ ហើយឯងឧត្តមក៏បានឧបត្ថម្ភដល់វគ្គបំប៉នត្រៀមប្រឡងសញ្ញាបត្រនូវទឹកប្រាក់ចំនួន៤លានរៀល និងថវិកាអភិវឌ្ឍសាលារៀន ១លានរៀលនិងបានសន្យាផ្ដល់រង្វាន់លើកទឹកចិត្តបន្ថែមទៀតដល់សិស្សានុសិស្សដែលទទួលបានចំណាត់ថ្នាក់និទ្ទេសAថែមទៀត៕

ដោយ៖ ស៊ុម វណ្ណា