AKP ភ្នំពេញ ថ្ងៃទី១០ ខែមិថុនា ឆ្នាំ២០២៦ -- អនុរដ្ឋមន្ត្រីការបរទេសរុស្ស៊ី លោក មីឃែល ហ្កាលុហ្ស៊ីន បាននិយាយថា រុស្ស៊ី និងបេឡារុស្ស បានត្រៀមខ្លួនរួចជាស្រេចក្នុងការប្រើប្រាស់មធ្យោបាយទាំងអស់ រួមទាំងអាវុធនុយក្លេអ៊ែរ ដើម្បីការពាររដ្ឋសហភាព។

អ្នកការទូតរូបនេះបាននិយាយនៅក្នុងបទសម្ភាសន៍មួយជាមួយសារព័ត៌មាន Izvestia ថា «មធ្យោបាយនៃអន្តរកម្មរវាងកងកម្លាំងប្រដាប់អាវុធរុស្ស៊ី និងបេឡារុស្ស ក៏ដូចជារវាងភ្នាក់ងារសន្តិសុខរបស់រុស្ស៊ី និងបេឡារុស្ស កំពុងត្រូវបានកែលម្អឥតឈប់ឈរ។ យើងត្រៀមខ្លួនរួចជាស្រេចក្នុងការប្រើប្រាស់មធ្យោបាយទាំងអស់ រួមទាំងមធ្យោបាយនុយក្លេអ៊ែរ ដើម្បីធានាសន្តិសុខរបស់រដ្ឋសហភាព»។

លោកក៏បានកត់សម្គាល់ពីការកសាងកងកម្លាំងប្រដាប់អាវុធរបស់អង្គការណាតូ នៅក្នុងតំបន់ជិតព្រំដែននៃរដ្ឋសហភាពផងដែរ៕

ដោយ៖ យា ចិន្ដាខន្ដី (ប្រភព៖ តាសស៍)