AKP ភ្នំពេញ ថ្ងៃទី២៦ ខែឧសភា ឆ្នាំ២០២៦ -- មន្ត្រីអូម៉ង់ដឹកនាំដោយរដ្ឋមន្ត្រីការបរទេស លោក សាយយីដ បាដឺ ប៊ីន ហាម៉ាដ អាល់ ប៊ូសៃឌី (Sayyid Badr bin Hamad Al Busaidi) បានជួបពិភាក្សាកាលពីថ្ងៃអាទិត្យជាមួយគណៈប្រតិភូអ៊ីរ៉ង់ដែលដឹកនាំដោយអនុរដ្ឋមន្ត្រីការបរទេសលោក កាហ្សេម ហ្គារីបាបាឌី (Kazem Gharibabadi) ស្តីពីសេរីភាពនៃការធ្វើនាវាចរណ៍ឆ្លងកាត់ច្រកសមុទ្រហ័រមូស និងការអភិវឌ្ឍតំបន់ថ្មីៗ។

យោងតាមសេចក្តីថ្លែងការណ៍របស់ក្រសួងការបរទេសអូម៉ង់ បានឱ្យដឹងថា ភាគីទាំងពីរបានពិភាក្សាអំពីគោលការណ៍គ្រប់គ្រងសេរីភាពនៃការធ្វើនាវាចរណ៍នៅក្នុងយុទ្ធសាស្ត្រផ្លូវទឹកស្របតាមច្បាប់អន្តរជាតិ។

សេចក្តីថ្លែងការណ៍បាននិយាយថា ភាគីទាំងពីរបានផ្លាស់ប្តូរទស្សនៈគ្នាដោយផ្អែកលើការអភិវឌ្ឍថ្មីៗ និងបានពិភាក្សាអំពីវិធីពង្រឹងសុវត្ថិភាពនៃការធ្វើនាវាចរណ៍តាមសមុទ្រ លំហូរពាណិជ្ជកម្ម និងខ្សែសង្វាក់ផ្គត់ផ្គង់។

ក្នុងអំឡុងពេលនៃកិច្ចប្រជុំ លោក អាល់ ប៊ូសៃឌី បានទទួលសារពីរដ្ឋមន្ត្រីការបរទេសអ៊ីរ៉ង់ លោក សេយេដ អាប់បាស់ អារ៉ាកជី (Seyed Abbas Araghchi) ទាក់ទងនឹងការចរចាអ៊ីរ៉ង់-សហរដ្ឋអាមេរិក ដែលកំពុងដំណើរការតាមរយៈការសម្របសម្រួលរបស់ប៉ាគីស្ថាន។

សារនេះបានបញ្ជាក់ពីការប្តេជ្ញាចិត្តរបស់ប្រទេសទាំងពីរក្នុងការស្តារសេរីភាពនៃការធ្វើនាវាចរណ៍ឆ្លងកាត់ច្រកសមុទ្រហ័រមូសឡើងវិញតាមរបៀបសុវត្ថិភាព និងប្រកបដោយចីរភាព៕

ដោយ៖ មូល មិនា (ប្រភព៖ ស៊ីនហួ)