AKP ខេត្តព្រះសីហនុ ថ្ងៃទី0៣ ខែមេសា ឆ្នាំ២០២៦--តាមមន្ត្រីកងទ័ពជើងទឹកមូលដ្ឋានសមុទ្ររាមបានឪ្យដឹងថា នាវាចម្បាំងកង ទ័ពជើងទឹកសហព័ន្ធរុស្ស៊ីចំនួន ៣គ្រឿង មានគម្រោងចូលចំចតនៅកំពង់ផែស្វយ័តក្រុងព្រះសីហនុ រយៈពេល ៤ថ្ងៃ គឺចាប់ពីថ្ងៃទី៥ ដល់ថ្ងៃទី៨ ខែមេសា ឆ្នាំ២០២៦ ។

ក្នុងគោលបំណងធ្វើទស្សនៈកិច្ចនៅព្រះរាជាណាចក្រកម្ពុជា  ដើម្បីរិតចំណងសាមគ្គីភាព មិត្តភាព និងកិច្ចសហប្រតិបត្តិការ រវាងរាជរដ្ឋាភិបាលនៃប្រទេសទាំងពីរ  ជាពិសេសការផ្លាស់ប្តូរបទពិសោធន៍ រវាងកងទ័ពជើងទឹកទាំងពីរផងដែរ  ។

  លក្ខណៈបច្ចេកទេសនាវាទី១ មានឈ្មោះ៖
1. SOVERSHENNYY លេខ333 
2. នាវាទី២ ឈ្មោះ REZKIY លេខ343 
3. នាវាទី៣ ឈ្មោះ PECHENGA ។  
 ក្នុងដំណើរទស្សនកិច្ច ស្នាក់នៅលើទឹកដី នៃព្រះរាជាណាចក្រកម្ពុជា គណៈ ប្រតិភូនាវាកងទ័ពជើងទឹកសហព័ន្ធរុស្សី មានគម្រោងចូលជួបសម្តែងការគួរសមជាមួយមេបញ្ជាការមូលដ្ឋានសមុទ្ររាម ចូលជួបសម្តែងការគួរសមជាមួយឯកឧត្តម អភិបាលខេត្តព្រះសីហនុ និងជួបជាមួយថ្នាក់ដឹកនាំក្រសួងការពារជាតិ ។ ក្នុងការស្នាក់ នៅទស្សនៈកិច្ចនៅលើទឹក ដីខេត្តព្រះសីហនុ ក៏មានកម្មវិធីប្រកួតកីឡាមិត្តភាព រវាងកងទ័ពជើងទឹក នៃប្រទេសទាំងពីរផងដែរ ៕

ដោយ៖ ងូ សុមុនី