AKP ភ្នំពេញ ថ្ងៃទី៣១ ខែធ្នូ ឆ្នាំ២០២៥ -- កាសែតក្នុងស្រុក Nhan Dan បានរាយការណ៍កាលពីថ្ងៃចន្ទថា ប្រទេសវៀតណាមត្រូវបានគេប៉ាន់ប្រមាណថានឹងទទួលបានភ្ញៀវទេសចរអន្តរជាតិចំនួន ២១,៥លាននាក់នៅឆ្នាំ២០២៥ ដោយដកស្រង់សម្តីរបស់អាជ្ញាធរទេសចរណ៍ជាតិវៀតណាម។

យោងតាមរបាយការណ៍ ប្រទេសអាស៊ីអាគ្នេយ៍នេះក៏ត្រូវបានគេរំពឹងថានឹងស្វាគមន៍ភ្ញៀវទេសចរក្នុងស្រុកចំនួន ១៣៥,៥លាននាក់នៅឆ្នាំនេះផងដែរ។ ប្រាក់ចំណូលសរុបពីវិស័យទេសចរណ៍ត្រូវបានប៉ាន់ប្រមាណថាលើសពី ១ប៊ីលានដុងវៀតណាម (ប្រហែល ៣៩,៨ប៊ីលានដុល្លារអាម៉េរិក)។

ប្រទេសវៀតណាមកំណត់គោលដៅទទួលបានភ្ញៀវទេសចរអន្តរជាតិចំនួន ២៥លាននាក់ និងភ្ញៀវទេសចរក្នុងស្រុកចំនួន ១៥០លាននាក់នៅឆ្នាំ២០២៦ ដោយប្រាក់ចំណូលពីវិស័យទេសចរណ៍ត្រូវបានព្យាករថានឹងលើសពី ១,១២ប៊ីលានដុងវៀតណាម (ប្រហែល ៤៤,៦ប៊ីលានដុល្លារអាម៉េរិក)៕

ដោយ៖ មូល មិនា (ប្រភព៖ ភីបផលដេលី)