AKP ភ្នំពេញ ថ្ងៃទី២៨ ខែតុលា ឆ្នាំ២០២៥ -- អ្នកនាំពាក្យក្រសួងការបរទេសចិនបានប្រកាសកាលពីថ្ងៃចន្ទថា លោក ហាន់ ហ្សេង (Han Zheng) អនុប្រធានាធិបតីចិននឹងទៅបំពេញទស្សនកិច្ចនៅប្រទេសអារ៉ាប៊ីសាអូឌីត និងគុយវ៉ែតចាប់ពីថ្ងៃទី២៨ ខែតុលា ដល់ថ្ងៃទី២ ខែវិច្ឆិកា ហើយបន្ទាប់មកចូលរួមកិច្ចប្រជុំកំពូលពិភពលោកលើកទី២ សម្រាប់ការអភិវឌ្ឍសង្គមនៅប្រទេសកាតា តាមការអញ្ជើញចាប់ពីថ្ងៃទី៣ ដល់ថ្ងៃទី៥ ខែវិច្ឆិកា។

យោងតាមអ្នកនាំពាក្យបានឱ្យដឹងថា លោក ហាន់ នឹងទៅបំពេញទស្សនកិច្ចរបស់លោកតាមការអញ្ជើញរបស់ព្រះអង្គម្ចាស់រាជទាយាទ និងនាយករដ្ឋមន្ត្រីនៃប្រទេសអារ៉ាប៊ីសាអូឌីត លោក ម៉ូហាមមេដ ប៊ីន សាល់ម៉ាន់ (Mohammed bin Salman) និងព្រះអង្គម្ចាស់រាជទាយាទ សីខ៍ សាបាហ៍ អាល់ ខាលេដ អាល់ សាបាហ៍ (Sheikh Sabah Al-Khaled Al-Sabah) ៕

ដោយ៖ មូល មិនា (ប្រភព៖ ស៊ីនហួ)