AKP ភ្នំពេញ ថ្ងៃទី២៧ ខែតុលា ឆ្នាំ២០២៥ -- យោធាបាននិយាយកាលពីថ្ងៃអាទិត្យថា ទាហាន ៥នាក់ និងភេរវករចំនួន ២៥នាក់ត្រូវបានសម្លាប់នៅក្នុងការប្រយុទ្ធចំនួន ២លើកដាច់ដោយឡែកពីគ្នានៅក្នុងខេត្តឃីបឺប៉ាក់ទុនខ្វា ភាគពាយ័ព្យនៃប្រទេសប៉ាគីស្ថាន។

ប្រព័ន្ធទំនាក់ទំនងសាធារណៈអន្តរសេវាកម្ម (ISPR) ដែលជាប្រព័ន្ធផ្សព្វផ្សាយរបស់កងទ័ពប៉ាគីស្ថានបាននិយាយនៅក្នុងសេចក្តីថ្លែងការណ៍មួយថា មន្ដ្រីនៃកងកម្លាំងសន្តិសុខបានចូលរួមក្នុងប្រតិបត្តិការបាញ់តបតជាមួយភេរវករដែលព្យាយាមចូលមកតាមព្រំដែនប៉ាគីស្ថាន-អាហ្វហ្គានីស្ថាននៅក្នុងស្រុកវ៉ាហ្សីរីស្ថាន ភាគខាងជើង និងស្រុកគួររ៉ាម។

យោងតាមប្រព័ន្ធទំនាក់ទំនង ​​ISPR បានឱ្យដឹងថា​ នៅក្នុងស្រុកវ៉ាហ្សីរីស្ថាន ភាគខាងជើង ភេរវករចំនួន ១៥នាក់ រួមទាំងអ្នកបំផ្ទុះគ្រាប់បែកអត្តឃាតចំនួន ៤នាក់ត្រូវបានសម្លាប់។

ចំណែកឯភេរវករដែលបានចូលមកចំនួន ១០នាក់ផ្សេងទៀតត្រូវបានសម្លាប់នៅក្នុងតំបន់ Ghaki នៃស្រុកគួររ៉ាម។ នេះបើយោងតាមការបន្ថែម។

អាវុធ គ្រាប់រំសេវ និងគ្រឿងផ្ទុះមួយចំនួនធំក៏ត្រូវបានរកឃើញពីភេរវករដែលត្រូវបានសម្លាប់ផងដែរ៕

ដោយ៖ មូល មិនា (ប្រភព៖ ស៊ីនហួ)