AKP ភ្នំពេញ ថ្ងៃទី១៦ ខែតុលា ឆ្នាំ២០២៥ -- រដ្ឋមន្ត្រីការបរទេសអាល្លឺម៉ង់លោក ចូហាន់ វ៉ាដេហ្វុល (Johann Wadeful) បានសម្តែងនូវការមជ្ឍធាតុនិយមអំពីការដាក់ពង្រាយកងទ័ពនៅក្នុងបេសកកម្មនៅតំបន់ហ្គាហ្សាស្ទ្រីប ហើយបាននិយាយថា លោកផ្តល់អាទិភាពដល់ការផ្តល់មូលនិធិសម្រាប់ការកសាងឡើងវិញនៅតំបន់ហ្គាហ្សា។

លោកបាននិយាយថា «រដ្ឋាភិបាលរបស់យើងមិនបានពិភាក្សាអំពីបញ្ហានេះទេ ប៉ុន្តែខ្ញុំមានការងឿងឆ្ងល់អំពីថា តើការចូលរួមរបស់កងទាហានអាល្លឺម៉ង់ គឺជាដំណោះស្រាយត្រឹមត្រូវដែរឬអត់»។

លោក វ៉ាដេហ្វុល បាន​បញ្ជាក់​ថា ការ​បង្កើត​បេសកកម្ម​ដោយបណ្តា​ប្រទេស​អារ៉ាប់ និង​មូស្លីម គឺ​សមស្រប​ជាង។

លោកបានសង្កត់ធ្ងន់ថា ប្រជាជាតិអឺរ៉ុបនឹងផ្តោតទៅឡើកិច្ចខិតខំប្រឹងប្រែងរបស់ខ្លួនទៅលើការផ្តល់មូលនិធិសម្រាប់កិច្ចខិតខំប្រឹងប្រែងស្តារឡើងវិញនៅក្នុងទឹកដីប៉ាឡេស្ទីន។

លោកក៏បានវាយតម្លៃផងដែរអំពីការលុបបំបាត់ដែលអាចកើតមាននៃការរឹតបន្តឹងទៅលើការលក់សព្វាវុធទៅឱ្យអ៊ីស្រាអែល ដែលបានដាក់ចេញកាលពីក្នុងខែសីហា ឆ្នាំ២០២៥។

នេះគឺជាការកំណត់ជាក់លាក់សម្រាប់សម្ភារៈដែលមានសក្តានុពលក្នុងការប្រើប្រាស់នៅក្នុងតំបន់ហ្គាហ្សា។

អ្នកវិភាគជឿថា សេចក្តីថ្លែងការណ៍នេះឆ្លុះបញ្ចាំងពីការប្រុងប្រយ័ត្នជាយុទ្ធសាស្រ្ត និងគូសបញ្ជាក់ពីចំណាប់អារម្មណ៍របស់ទីក្រុងប៊ែរឡាំងក្នុងការរក្សាទម្រង់ទាបនៅក្នុងជម្លោះភូមិសាស្ត្រនយោបាយដ៏ស្មុគស្មាញ ដោយមិនធ្វើឱ្យការគាំទ្រដល់ស្ថិរភាពក្នុងតំបន់ចុះខ្សោយនោះទេ៕

ដោយ៖ យា ចិន្តាខន្តី (ប្រភព៖ ប្រេនសាឡាទីណា)