AkP ភ្នំពេញ ថ្ងៃទី៨ ខែកុម្ភៈ ឆ្នាំ២០២៥-- ក្រសួងបរិស្ថានបានបញ្ជាក់ឲ្យដឹងថាគុណភាពខ្យល់នៅក្នុងប្រទេសកម្ពុជានៅព្រឹកថ្ងៃទី៨ ខែកុម្ភះ ឆ្នាំ២០២៥នេះមានភាព"ល្អ"។

សេចក្ដីជូនដំណឹងរបស់ក្រសួងបរិស្ថានសូមជូនដំណឹងអំពីស្ថានភាពគុណភាពខ្យល់នៅក្នុងព្រះរាជាណាចក្រកម្ពុជា សម្រាប់ថ្ងៃទី៧ ខែកុម្ភៈ ឆ្នាំ២០២៥ ចាប់ពីម៉ោង ៦ ល្ងាច ដល់ម៉ោង ៦ ព្រឹក ថ្ងៃទី៨ ខែកុម្ភៈ ឆ្នាំ២០២៥ ដែលមានកំហាប់ភាគល្អិតនិចលគិតជាមធ្យមស្មើនឹង ៤៣.៦៧ µg/m3 ធៀបនឹងស្តង់ដា ៥០ ug/m3 និងគិតជាសន្ទស្សន៍គុណភាពខ្យល់ (Air Quality Index) គឺ “ល្អ”។

ក្រសួងបានពន្យល់ថាពណ៌ខៀវ គុណភាពខ្យល់ល្អណាស់មានខេត្តកំពង់ឆ្នាំង  ខេត្តកំពង់ស្ពឺ ខេត្តកំពត ខេត្តក្រចេះ ខេត្តមណ្ឌលគីរី ខេត្តរតនគិរី ខេត្តឧត្តរមានជ័យ និងខេត្តត្បូងឃ្មុំ។

ពណ៌បៃតង គុណភាពខ្យល់ល្អមាន   រាជធានីភ្នំពេញ​ ខេត្តកំពង់ចាម  ខេត្តកំពង់ធំ​  ខេត្តកណ្តាល​ ខេត្តព្រៃវែង ខេត្តព្រះសីហនុ ខេត្តស្វាយរៀង ​ខេត្តតាកែវ និងខេត្តកែប។

ពណ៌លឿងនៅ  ខេត្តបន្ទាយមានជ័យ  ខេត្តបាត់ដំបង ខេត្តកោះកុង ខេត្តព្រះវិហារ ខេត្តសៀមរាប ខេត្តស្ទឹងត្រែង  និងខេត្តប៉ៃលិន
ពណ៌ទឹកក្រូចនៅ  ខេត្តពោធិ័សាត់៕ 

ដោយ៖ ប៊ុនរិទ្ធ