AKP ភ្នំពេញ ថ្ងៃទី២៩ ខែមករា ឆ្នាំ២០២៥--នៅបន្ទប់ប្រជុំនៃនាយកដ្ឋានតម្រង់ទិសវិជ្ជាជីវៈ និងតាមប្រព័ន្ធបញ្ជូនសំឡេង និងរូបភាពផ្ទាល់ Zoom Meeting នៅរសៀលថ្ងៃទី២៨ ខែមករា ឆ្នាំ២០២៥ បានរៀបចំ «កិច្ចជំនួបរវាងក្រុមការងារសមាសភាគទី១ ការសិក្សាផ្សារភ្ជាប់នឹងការងារ Work-Based Learning នៃគម្រោងសម្ព័ន្ធមេត្រីភាពបរិវត្តកម្មការអប់រំបច្ចេកទេស ជាមួយអ្នកជំនាញការមកពីប្រទេសហ្វាំងឡង់»។

កិច្ចប្រជុំគម្រោងសម្ព័ន្ធមេត្រីភាពបរិវត្តកម្មការអប់រំបច្ចេកទេសនៃក្រុមការងារសមាសភាគទី១ ការសិក្សាផ្សារភ្ជាប់នឹងការងារ Work-Based Learningនេះ មានគោលបំណងចំនួនពីរគឺ៖ ទី១. ជួបសម្តែងការស្វាគមន៍ និងការណែនាំខ្លួន រវាងក្រុមការងារសមាសភាគទី១ និងក្រុមអ្នកជំនាញការផ្នែក Work-Based Learning មកពីប្រទេសហ្វាំងឡង់ និងទី២. សិក្សាស្វែងយល់អំពីការងារអប់រំបច្ចេកទេសលើការអនុវត្តកម្មវិធី Work-Based Learning ប្រទេសទាំងពីរ ដើម្បីសិក្សាលទ្ធភាពរៀបចំអភិវឌ្ឍក្របខ័ណ្ឌកម្មវិធី Work-Based Learning សម្រាប់អនុវត្តនៅតាមគ្រឹះស្ថានសិក្សាអប់រំបច្ចេកទេសនៃក្រសួងអប់រំ យុវជន និងកីឡា។

កិច្ចប្រជុំដឹកនាំដោយ លោក នួន វណ្ណសឿន អនុប្រធាននាយកដ្ឋានតម្រង់ទិសវិជ្ជាជីវៈ និងជាប្រធានសមាសភាគទី១ និងមានការអញ្ជើញចូលរួមពីក្រុមការងារក្នុងសមាសភាគទី១ ភាគីក្រសួងអប់រំ យុវជន និងកីឡា ចំនួន ១៧នាក់ តាមអនឡាញ ៥នាក់ ភាគីអ្នកជំនាញការមកពីប្រទេសហ្វាំងឡង់២នាក់ និងអ្នកសម្របសម្រួលគឺ Mr. Manuel AZIBI, RTA of Twining project និងសហការីជនជាតិខ្មែរ ២នាក់ សរុបសមាសភាពចំនួន២២នាក់ ស្រី៦នាក់៕

ដោយ ណយ នឿន (ប្រភព៖ នាយកដ្ឋានតម្រង់ទិសវិជ្ជាជីវៈ)