AKPកំពង់ធំ ថ្ងៃទី២១ ខែតុលាឆ្នាំ២០២៦--ឧត្តមសេនីយ៍ទោ សោម ស៊ុន មេបញ្ជា ការតំបន់ប្រតិបត្តិការសឹករងកំពង់ធំយោធភូមិភាគទី៤នាល្ងាចថ្ងៃទី២០ខែ តុលាឆ្នាំ២០២៦បានដឹកនាំសហការី ទៅគោរពវិញ្ញាណក្ខន្ធនិងបំពាក់ឋានន្តរសក្កិជាកិច្ចបច្ឆាមរណៈ​ ជូនសពលោកវរសេនី យ៍ទោ សូ សារឿននាយរងផ្នែកហិរញ្ញវត្ថុនៃបញ្ជាការដ្ឋានតំបន់ប្រតិបត្តិការសឹករងកំពង់ធំ ដែលបានទទួលមរណៈភាពដោយរោគាពាធ ក្នុងជន្មាយុ៥៨ឆ្នាំកាលពីព្រឹកថ្ងៃទី២០ខែតុលាឆ្នាំ ២០២៦ស្ថិតនៅភូមិស្លាកែត សង្កាត់ព្រៃតាហ៊ូ ក្រុងស្ទឹងសែន ខេត្តកំពង់ធំ ។ 

បន្ទាប់ពីលោកវរសេនីយ៍ទោ ស៊ុន សាម៉ុន នាយការិយាល័យទី១នៃបញ្ជាការដ្ឋានតំបន់ប្រតិបត្តិការសឹករងកំពង់ធំបានឡើងអានសេចកីសម្រេចស្ដីពីការបំពាក់ឋានន្តរសកិជាកិច្ចបច្ឆាមរណៈ របស់ក្រសួងការពារជាតិ ជូនលោកវរសេនីយ៍ទោ សូ សារឿន រួចមក ឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានផ្ដល់កិត្តិយសឡើងបំពាក់ឋានន្តរសក្កិថ្នាក់វរសេនីយ៍ទោ ជូនសពលោកវរសេនីយ៍ត្រី សូ សារឿន ជាកិច្ចបច្ឆាមរណៈ។ 

ឧត្តមសេនីយ៍ទោ សោម ស៊ុន បានសំណេះសំណាលចូលរួមរំលែកទុក្ខជាមួយនឹងក្រុមគ្រួសារសពនិងបានថ្លែងនូវការសោកស្ដាយអាឡោះអាល័យជាពន់ពេក ចំពោះការបាត់បង់លោកវរសេ នីយ៍ទោ សូ សារឿន ដែលជាយុទ្ធមិត្តធ្លាប់រួមអាវុធ ក្នុងសម័យសង្គ្រាមស៊ីវិលនិងជាមិត្តរួមការងារអស់រយៈពេលជិត៤០ ឆ្នាំកន្លងទៅ។ថ្ងៃនេះលោកវរសេនីយ៍ទោ សូ សារឿន បានលាយើងទាំងអស់គ្នាជារៀងរហូតហើយ។ គាត់លាគ្មានថ្ងៃវិលត្រឡប់មកវិញឡើយ ហើយឧត្តមសេនីយ៍ទោ សោម ស៊ុន ព្រមទាំងនាយទាហាន នាយទាហានរង និងពលទាហាន នៃបញ្ជាការដ្ឋានតំបន់ប្រតិបត្តិការសឹករងកំពង់ធំ បានបួងសួងសុំឱ្យវិញ្ញាណក្ខន្ធលោកវរសេនីយ៍ទោ សូ សារឿន បានទៅកាន់សុខគតិភពកុំបីឃ្លៀងឃ្លាតឡើយ។ 

នៅក្នុងឱកាសនោះឧត្តមសេនីយ៍ទោ សោម ស៊ុន និងនាយទាហាន នាយទាហានរងនិងពលទាហាននៃបញ្ជាការដ្ឋានតំបន់ប្រតិបត្តិការសឹករងកំពង់ធំបានប្រគល់​ថវិកា​វិភាគទាន​យោធិន​មរណៈ​ចំនួន​១០លានរៀល ដើម្បីជូនក្រុមគ្រួសារសពក្នុងការរៀបចំពិធីបុណ្យជូនសពលោកវរសេនីយ៍ទោ សូ សារឿនឱ្យបាន​សមរម្យ​ ប្រកបដោយ​កិត្តិយសនិង​សេចក្ដី​ថ្នូ​រ​។

ក្រុម​គ្រួសារ​សព​ លោក​វរសេនីយ៍ទោ​ សូ​ សារឿន​ បាន​សូម​គោរព​ថ្លែង​អំណរគុណ​ដ៍​ជ្រាលជ្រៅ​ជាទីបំផុត​ចំពោះថ្នាក់​ដឹកនាំ​គ្រប់​លំដាប់​ថ្នាក់​នៃ​កងយោធពលខេមរភូ មិន្ទនិង​មេបញ្ជាការ​តំបន់​ប្រតិបត្តិការ​សឹក​រង​កំពង់​ធំ​ ដែលបាន​ដឹកនាំ​សហ ការី​នាំយក​ថវិកា​វិភាគទាន​យោធិន​មរណៈ​ និង​​បាន​ចូលរួម​ផ្ដល់​កិត្តិយស​ក្នុង​ពិធី​បុណ្យ​សព​នៅ​ពេល​នេះ​និង​សូម​គោរព​ជូនពរ​សូម​ឱ្យថ្នាក់​ដឹក​នាំ​ទាំង​អស់​ សូម​ទទួល​បាន​នូវ​ពុទ្ធ​ពរ​ទាំង​បួន​ប្រការ​កុំបី​ឃ្លៀង​ឃ្លាត​ឡើយ​៕

ដោយ៖ ស៊ុម វណ្ណា