AKP ភ្នំពេញ ថ្ងៃទី១៩ ខែតុលា ឆ្នាំ២០២៦-- ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានគណៈកម្មាធិការជាតិ បានអញ្ជើញចុះត្រួតពិនិត្យការងារហ្វឹកហ្វឺនសាកល្បងត្រៀមរៀបចំពិធីអបអរសាទរខួប២០ឆ្នាំនៃការបញ្ជូនកងកម្លាំងនៃកងយោធពលខេមរភូមិន្ទ ចូលរួមបំពេញបេសកកម្មរក្សាសន្តិភាពអង្គការសហប្រជាជាតិ (២០០៦-២០២៦) និងពិធីសម្ពោធដាក់ឱ្យប្រើប្រាស់ជាផ្លូវការនូវសមិទ្ធផលនានា នៅសាលាហ្វឹកហ្វឺនកងកម្លាំងរក្សាសន្តិភាពពហុជាតិ ស្ថិតក្នុងខេត្តកំពង់ស្ពឺ។

ការចុះត្រួតពិនិត្យនាឱកាសនេះ គឺដើម្បីពិនិត្យលើភាពរួចរាល់ របៀបរៀបរយ វិន័យ សណ្ដាប់ធ្នាប់ ផែនទ័ព និងការងារបច្ចេកទេសផ្សេងៗ សំដៅធានាឱ្យដំណើរការនៃការប្រារព្ធពិធីនាពេលខាងមុខ ប្រព្រឹត្តទៅដោយរលូន និងឱ្យទទួលបានលទ្ធផលល្អប្រសើរ៕

ដោយ សំ សាម៉ន (ប្រភព៖ ក្រសួងការពារជាតិ)