AKP ភ្នំពេញ ថ្ងៃទី១៦ ខែតុលា ឆ្នាំ២០២៦ -- កាសែត The Wall Street Journal ដោយដកស្រង់សម្តីពីមន្ត្រីក្នុងរដ្ឋបាលរបស់លោក ដូណាល់ ត្រាំបានរាយការណ៍ថា ប្រធានាធិបតីសហរដ្ឋអាមេរិក លោក ដូណាល់ ត្រាំបើកចំហចំពោះកិច្ចសហប្រតិបត្តិការសេដ្ឋកិច្ចរវាងសហរដ្ឋអាមេរិក និងរុស្ស៊ីបន្ទាប់ពីជម្លោះនៅអ៊ុយក្រែនបានបញ្ចប់។

របាយការណ៍នេះបានឱ្យដឹងកាលពីពេលថ្មីៗនេះថា លោក ត្រាំ កំពុងខិតខំប្រឹងប្រែងដើម្បីកាត់បន្ថយភាពតានតឹងនៃជម្លោះនេះ ហើយបន្ទាប់មកលោកគ្រោងនឹងស្នើកិច្ចព្រមព្រៀងសន្តិភាពថ្មីមួយទៅកាន់រុស្ស៊ី ដែលនឹងផ្តល់អត្ថប្រយោជន៍ផ្នែកសេដ្ឋកិច្ច និងនយោបាយមួយចំនួនដល់រុស្ស៊ី។

កាលពីពេលថ្មីៗនេះ លោក គីរីល ឌីមីទ្រីវ ប្រធានមូលនិធិវិនិយោគផ្ទាល់របស់រុស្ស៊ី (RDIF) និងជាបេសកជនពិសេសរបស់ប្រធានាធិបតីរុស្ស៊ីទទួលបន្ទុកកិច្ចសហប្រតិបត្តិការសេដ្ឋកិច្ចជាមួយបរទេស បាននិយាយថា បើទោះបីជាមានការប៉ុនប៉ងពីសំណាក់បណ្តាប្រទេសនៅអឺរ៉ុបក្នុងការរារាំងទំនាក់ទំនងណាមួយជាមួយសហរដ្ឋអាមេរិកក៏ដោយ ក៏រុស្ស៊ីនឹងនៅតែបន្តកិច្ចសហប្រតិបត្តិការសេដ្ឋកិច្ចជាមួយសហរដ្ឋអាមេរិកដដែល។

នៅពេលមុននេះ លោក ត្រាំ បានប្រកាសថា សហរដ្ឋអាមេរិក និងរុស្ស៊ី បានព្រមព្រៀងគ្នាលើការផ្គត់ផ្គង់ប្រេងម៉ាស៊ូតទៅកាន់សហរដ្ឋអាមេរិកដែលនឹងត្រូវអនុវត្តជាដំណាក់កាលៗ៕

ដោយ៖ យា ចិន្ដាខន្ដី (ប្រភព៖ ស្ពុតនីក)