AKP ភ្នំពេញ ថ្ងៃទី១៥ ខែតុលា ឆ្នាំ២០២៦--ឯកឧត្តម ឃួន ផុនរតនៈ ឯកអគ្គរាជទូតកម្ពុជាប្រចាំសាធារណរដ្ឋកូរ៉េបានទទួលជួបពិភាក្សាការងា រជាមួយលោកភារធារីស្តីទី នៃស្ថានទូតអេត្យូពីប្រចាំកម្ពុជាពីការលើកកម្ពស់ប្រសិទ្ធភាពការងារ និងការគាំទ្រគ្នាទៅវិញទៅ មក​ ក្នុងបេសកកម្មការទូតឱ្យកាន់តែរឹងមាំ។

នៅថ្ងៃទី១៣ ខែតុលា ឆ្នាំ២០២៦ នៅស្ថានទូតកម្ពុជាប្រចាំទីក្រុងសេអ៊ូល ឯកឧត្តម ឃួន ផុនរតនៈ ឯកអគ្គរាជទូតកម្ពុជាប្រចាំសាធារណរដ្ឋកូរ៉េ បានទទួលជួបពិភាក្សាការងារជាមួយលោក Kefelegn Amtataw Wurgat ភារធារីស្តីទី នៃស្ថានទូតអេត្យូពីប្រចាំកម្ពុជា ដែលមាននិវេសនដ្ឋាននៅសាធារណរដ្ឋកូរ៉េ។

ភាគីទាំងពីរ​ បានពិភាក្សា​ និងលើការផ្លាស់ប្តូរយោបល់ ដើម្បីពង្រឹងកិច្ចសហប្រតិបត្តិការរវាងស្ថានតំណាងនៃប្រទេសទាំងពីរនៅសាធារណរដ្ឋកូរ៉េ សំដៅលើកកម្ពស់ប្រសិទ្ធភាពការងារ និងការគាំទ្រគ្នាទៅវិញទៅមក​ ក្នុងបេសកកម្មការទូតឱ្យកាន់តែរឹងមាំ។

ក្រៅពីកិច្ចការទ្វេភាគី ភាគីទាំងពីរក៏បានឆ្លៀតឱកាសពិភាក្សា និងផ្លាស់ប្តូរទស្សនៈលើបញ្ហាតំបន់ និងអន្តរជាតិសំខាន់ៗ ដែលជាកង្វល់រួមរបស់ប្រទេសទាំងពីរផងដែរ ដើម្បីរួមចំណែកដល់ការយល់ដឹង និងកិច្ចសហកា រក្នុងក្របខ័ណ្ឌអន្តរជាតិឱ្យកាន់តែប្រសើរឡើង៕

ដោយ៖ ប៊ុនរិទ្ធ