AKP កំពង់ធំ ថ្ងៃទី១៥ខែតុលាឆ្មាំ២០២៦--ឯកឧត្តម នួន ផារ័ត្ន អភិបាលខេត្តកំពង់់ធំបានជំរុញឱ្យគណកម្មការទទួលបន្ទុករៀបចំពិធីប្រណាំងទូកខេត្ត ត្រួតពិនិត្យតាមដានកិច្ចការនេះឱ្យបានល្អិតល្អន់ និងទទួលខុសត្រូវខ្ពស់។ 

ឯកឧត្តមអភិបាលខេត្តបានជំរុញដូចនេះក្នុងកិច្ចប្រជុំគណៈកម្មការរៀបចំពិធីប្រណាំងទូកខេត្តកំពង់ធំ ឆ្នាំ២០២៦ កាលពីថ្ងៃទី១៤ខែតុលា ឆ្នាំ២០២៦នៅសាលប្រជុំរដ្ឋបាលខេត្ត។

ឯកឧត្តម នួន ផារ័ត្នបានជំរុញដល់គណកម្មការរៀបចំពិធីប្រណាំងទូកត្រូវបន្តសហការជាមួយដៃគូពាក់ព័ន្ធទាំងអស់ដើម្បីធ្វើយ៉ាងណាញាំងឱ្យកម្មវិធីនេះប្រព្រឹត្តទៅដោយរលូន និង អធិកអធ័ម។ 

ឯកឧត្តមបន្ថែមទៀតថា ការងារការពារសន្តិសុខសណ្តាប់ធ្នាប់ ជាចំណុចសំខាន់ដែលត្រូវយកចិត្តទុកដាក់ និងមានការប្រុងប្រយ័ត្នខ្ពស់។បញ្ហាមួយចំនួនទៀតដែលយើងត្រូវធ្វើបន្តគីការរៀបចំកន្លែងស្នាក់នៅសម្រាប់ក្រុមកីឡាករ  ការសម្អាតអនាម័យបរិស្ថាន ការរៀបចំបណ្តាញផ្សាយផ្ទាល់ ការរៀបចំក្រុមការងារបច្ចេកទេស កន្លែងទទួលគណធិបតីចូលរួម និងកិច្ចការលម្អិតផ្សេងទៀតដែលមានអនុគណៈកម្មការទទួលបន្ទុកច្បាស់លាស់។

ឯកឧត្តមសង្ឃឹមថាក្រុមការងារទទួល បន្ទុកទាំងអស់ខិតខំយកចិត្តទុកដាក់ធ្វើឱ្យកម្មវិធីនេះប្រកបដោយសោភ័ណភាព និងទទួលបានការគាំទ្រពីសំណាក់បងប្អូ នប្រជាពលរដ្ឋនិងអំពាវនាវដល់បងប្អូនប្រជាពលរដ្ឋទាំងអស់មកចូលរួមទស្ស នាការប្រណាំងទូកនេះឱ្យបានច្រើនកុះករ។

សូមបញ្ជាក់ថាដើម្បីអបអរសាទរព្រះរាជពិធីបុណ្យអុំទូក បណ្តែតប្រទីប សំពះ ព្រះខែ និងអកអំបុក រដ្ឋបាលខេត្តកំ ពង់ធំនឹងរៀបចំធ្វើពិធីប្រណាំងទូកថ្នាក់ខេត្តរយពេល២ថ្ងៃដោយចាប់ផ្តើមពីថ្ងៃទី៧ ដល់ថ្ងៃទី៨ ខែវិច្ឆិកា ឆ្នាំ២០២៦ នៅតាមបណ្តោយសួនមាត់ស្ទឹងសែនហើយនៅពេលរាត្រីមានពិធីបង្ហោះគោម បាញ់កាំជ្រួច បណ្តែតប្រទីប និងការប្រគំតន្ត្រីកំសាន្តទៀតផង៕

ដោយ៖ ស៊ុម វណ្ណា