AKP ព្រះវិហារ ថ្ងៃទី០៩ ខែតុលា ឆ្នាំ២០២៦--អគ្គនាយកដ្ឋានក្សេត្រសាស្ត្រ បើកវគ្គបណ្ដុះបណ្ដាលគ្រូបង្គោល (TOT) ដែលមកពីសហគមន៍កសិកម្មចំនួន ១៩សហគមន៍ មកពីស្រុកឆែប ស្រុកជ័យសែន ស្រុករវៀង និងក្រុងព្រះវិហារ ស្តីពីការផ្ដល់សេវាកម្មព័ត៌មានកសិ ឧតុនិយមតម្រូវតាមដំណាំ នៅថ្ងៃទី៧ ,៨ ខែតុលា ឆ្នាំ២០២៦ ដោយមានការចូលរួមពីលោកបណ្ឌិត ជូ ជ័យធិរិទ្ធ អគ្គនាយករង នៃអគ្គនាយកដ្ឋានក្សេត្រសាស្ត្រ និងកែលម្អដីកសិកម្ម(GDA) ។

វគ្គបណ្តុះបណ្តាលមានការចូលរួមពីលោក ពឹង ទ្រីដា ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តព្រះវិហារ លោក ងៀន ល័ក្ខ តំណាងអង្គការស្បៀង និងកសិកម្មនៃសហប្រជាជាតិ(FAO) គាំទ្រដោយ (FAO) គម្រោងគជ់ វគ្គបណ្ដុះបណ្ដាលនេះមានអ្នកចូលរួមសរុបចំនួន ៧៦នាក់ (ក្នុងនោះមានស្រី ៣៥នាក់ និងបងប្អូនជនជាតិដើមភាគតិចកួយ ១៤នាក់)  ។

ជាងនេះទៅទៀតក៏មានការអញ្ជើញមកពីស្ថាប័នពាក់ព័ន្ធនានាលោកប ណ្ឌិត ជូ ជ័យធិរិទ្ធ មានប្រសាសន៍ថា វគ្គបណ្តុះបណ្តាលគ្រូបង្គោលនេះ ធ្វើឡើងក្នុងគោលបំណងពង្រឹងសមត្ថភាពមន្ត្រីជំនាញ និងតំណាងសហគមន៍កសិកម្មឱ្យមានលទ្ធភាពយល់ដឹង និងអាចផ្តល់សេវាកម្មព័ត៌មានផ្នែកកសិ-ឧតុនិយម (ពីការប្រែប្រួលអាកាសធាតុ របាយទឹកភ្លៀង សីតុណ្ហភាព) ទៅតាមតម្រូវការជាក់ស្តែងនៃដំណាំនីមួយៗ ដើម្បីជួយឱ្យកសិករអាចរៀបចំផែនការដាំដុះបានត្រឹមត្រូវ ឆ្លើយតបទៅនឹងការប្រែប្រួលអាកាសធាតុ និងកាត់បន្ថយហានិភ័យផ្សេងៗក្នុងផលិតកម្មកសិកម្ម ៕

ដោយ៖ ទិត ស្រ៊