AKP ភ្នំពេញ ថ្ងៃទី៣០ ខែកញ្ញា ឆ្នាំ២០២៦--ឯកឧត្តម ឧត្តមសេនីយ៍ទោ ប្រាក់ សុទ្ធ អគ្គនាយករងមជ្ឈមណ្ឌលជាតិរក្សាសន្តិភាព តំណាង ឯកឧត្តម ឧត្តមសេ នីយ៍ទោ សែម រតនា អនុប្រធានទី១គណៈកម្មាធិការជាតិ និងជាអគ្គនាយកស្តីទីមជ្ឈមណ្ឌលជាតិរក្សាសន្តិភាព ព្រឹកថ្ងៃទី៣០ ខែកញ្ញា ២០២៦ បានទទួលជួបពិភាក្សាការងារជាមួយមន្រ្តីកម្មវិធីហ្វឹកហ្វឺនដៃគូត្រីភាគីនៃអង្គការសហប្រជាជាតិ (UNTPP) សម្រាប់គាំទ្រការងារហ្វឹកហ្វឺននៅកម្ពុជា។

ក្នុងជំនួបនេះ ឯកឧត្តម ឧត្តមសេនីយ៍ទោ ប្រាក់ សុទ្ធ បានវាយតម្លៃខ្ពស់ចំពោះកម្មវិធីហ្វឹកហ្វឺនដៃគូត្រីភាគីនៃអង្គការសហប្រជាជាតិ (UNTPP) ដែលនឹងរៀបចំវគ្គហ្វឹកហ្វឺនគ្រប់គ្រងគម្រោងវិស្វកម្ម នឹងប្រព្រឹត្តទៅថ្ងៃទី៥ ដល់ថ្ងៃទី៣០ ខែតុលា ឆ្នាំ២០២៦ ដើម្បីផ្តល់ឱ្យនាយទាហានជំនាញវិស្វកម្ម នៃបណ្តាប្រទេសបរិច្ចាគកងកម្លាំង (TCCs) នូវចំណេះដឹង និងជំនាញអនុវត្តជាក់ស្តែងលើការគ្រប់គ្រងគម្រោង ដើម្បីដើរតួនាទីយ៉ាងសំខាន់ក្នុងការងារគ្រប់គ្រងគម្រោង ឬការងារសាងសង់ផ្សេងៗក្នុងតំបន់បេសកកម្មឱ្យមានប្រសិទ្ធភាព។

វគ្គហ្វឹកហ្វឺនគ្រឿងចក្រធុនធ្ងន់កម្រិតមធ្យម និងសង្គ្រោះបន្ទាន់លើទីលាន ដែលនឹងប្រព្រឹត្តទៅពីថ្ងៃទី១០ ខែវិច្ឆិកា ដល់ថ្ងៃទី១៩ ខែធ្នូ ឆ្នាំ២០២៦។

វគ្គសិក្សានេះនឹងផ្តល់ឱ្យសិក្ខាកាមជាតិ និងអន្តរជាតិនូវជំនាញប្រើប្រាស់គ្រឿងចក្រធុនធ្ងន់កម្រិតមធ្យម ក្នុងការបញ្ជា និងការថែទាំគ្រឿងចក្រវិស្វកម្មធុនធ្ងន់ក្នុងប្រតិបត្តិការភារកិច្ចវិស្វកម្ម។

ជាការឆ្លើយតប លោក Julian Otinkorang មន្រ្តីកម្មវិធីហ្វឹកហ្វឺន UNTPP បានសម្តែងនូវការពេញចិត្តចំពោះកិច្ចសហប្រតិបត្តិការជាមួយភាគីកម្ពុជាក្នុងពេលកន្លងមក ជាពិសេសលើការងារហ្វឹកហ្វឺនដៃគូត្រីភាគីនៃអង្គកា រសហប្រជាជាតិ (UNTPP) ដែលសម្រេចបាននូវការបណ្តុះបណ្តាលកងកម្លាំងកម្ពុជា និង កងកម្លាំងអន្តរជាតិ សម្រាប់យកទៅបម្រើក្នុងបេសកកម្មរក្សាសន្តិភាពក្រោមឆត្រអង្គការសហប្រជាជាតិ នៅតាមបណ្តាប្រទេសដែលហែកហួរដោយសង្គ្រាម ដោយលោកបានចាត់ទុកការបណ្តុះ បណ្តាលនេះថាជាកិច្ចការដ៏សំខាន់បំផុតសម្រាប់កងកម្លាំងរបស់អង្គការសហ ប្រជាជាតិ៕

ដោយ៖ ចាន់ សុភឿន