AKP កំពង់ឆ្នាំង ថ្ងៃទី២៩ ខែកញ្ញា ឆ្នាំ២០២៦--អាជ្ញាធរខេត្តកំពង់ឆ្នាំង  ការរៀបចំតារាងស្ថិតិ ជំរុញធ្វើប័ណ្ណកម្មសិទ្ធិទ្រព្យសម្បត្តិរដ្ឋនិងចេញវិញ្ញាបនបត្រជូនប្រជាពលរដ្ឋតាមតយៈអង្គភាពច្រកចេញចូលតែមួយ។

លោកស្រី ប៊ន សុភី អភិបាលរងខេត្តកំពង់ឆ្នាំង បានបើកកិច្ចប្រជុំផ្សព្វផ្សាយស្ដីពីការការរៀបចំតារាងស្ថិតិទិន្នន័យដីធ្លីមិនបានប្រើប្រាស់ និងការជំរុញធ្វើប័ណ្ណកម្មសិទ្ធិទ្រព្យសម្បត្តិរដ្ឋនិងចេញវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋតាមតយៈអង្គភាពច្រកចេញចូលតែមួយឱ្យពន្លឿនការងារបន្ធែមទៀតលោកស្រីមានប្រសាសន៍បែបនេះកាលពីថ្ងៃទី២៨ ខែកញ្ញា ឆ្នាំ២០២៦ នៅសាល់ប្រជុំសាលាខេត្តកំពង់ឆ្នាំង ដោយមានការអញ្ជើញចូលរួមពី ក្រុមការងាររដ្ឋបាលខេត្ត លោក លោកស្រី តំណាងមន្ទីរអង្គភាពពាក់ព័ន្ធ រដ្ឋបាលក្រុង ស្រុកទាំង ៨ និងមេឃុំ ចៅសង្កាត់ទាំង ៧១ ក្នុងខេត្តជាច្រើននាក់ផងដែរ។

ក្នុងឱកាសនោះលោកស្រី ប៊ន សុភី បានមានប្រសាសន៍ថា នៅក្នុងប្រទេសកម្ពុជាយើង ការចុះបញ្ជីដីធ្លីគឺជាកិច្ចការមួយដ៏សំខាន់ដែលរាជរដ្ឋាភិបាលបានយកចិត្តទុកដាក់ ក្នុងគោលនយោបាយដីធ្លី ដើម្បីជួយពន្លឿនការអភិវឌ្ឍប្រទេសជាតិ ក៏ដូចជាយុទ្ធសាស្រ្តក្នុងការបង្ការវិវាទ និងបញ្ចប់វិវាទដីធ្លី ទូទាំងប្រទេស។ 

ក្រោយពីការចុះបញ្ជីដីធ្លីមានលក្ខណៈជាប្រព័ន្ធ រដ្ឋបាលថ្នាក់ក្រោមជាតិ ការផ្ដល់វិញ្ញាបនបត្រ ការចុះ បញ្ជីដីធ្លី គឺបានជួយសម្រួលដល់ជីវភាពប្រជាពលរដ្ឋ បានជាច្រើន ដូចជា៖ មានកន្លែងរស់នៅមួយ ដែលពិតប្រាកដអាចប្រកបមុខរបរចិញ្ចឹមជីវិតងាយស្រួលអាស្រ័យផលលើផ្ទៃដីដែលជាកម្មសិទ្ធិរបស់គាត់ផ្ទាល់ពិសេសកាត់បន្ថយនូវទំនាស់ដីធ្លីដែលកើតឡើងដោយសារការរស់នៅលើដីដែលមិនច្បាស់លាស់ និងគ្មានបណ្ណកម្មសិទ្ធិជាដើម ។ ម្យ៉ាងទៀត គឺមានបណ្ណកម្មសិទ្ធិស្រប ច្បាប់ អាចយកទៅខ្ចីលុយធ្វើដើមទុនរកស៊ីបានទៀតផង ។

ទន្ទឹមនឹងនេះលោកស្រីអភិបាលរងបានជម្រុញដល់មន្ត្រីពាក់ព័ន្ធ ពន្លឿនកាងារផ្ដល់បណ្ណកម្មសិទ្ធជូនប្រជាបលរដ្ឋឱ្យបានឆាប់ ព្រោះឯសារនិមួយៗសំខាន់ណាស់ ជាឯកសារតំណាងឲ្យទ្រព្យរបស់បងប្អូន ជាឯកសារតំណាងឲ្យសិទ្ធិ នៃកម្មសិទ្ធផ្ដាច់មុខ របស់កម្មសិទ្ធិករ លើដីធ្លីរបស់ខ្លួន ក្នុងការប្រើប្រាស់ និងអាស្រ័យផល ក្នុងការលក់ដូរ ការផ្ទេរទៅអ្នកដទៃ ការដាក់ធានាខ្ចីប្រាក់ ការផ្ទេរទៅឲ្យកូនចៅជាដើម។ កន្លងមកយើងឃើញថាប្រជាពលរដ្ឋនៅខេត្តកំពង់ឆ្នាំងគឺលោកសប្បាយចិត្ត គាត់យល់ដឹងពីការប្រើប្រាស់បណ្ណកម្មសិទ្ធិដីធ្លីនេះ គឺធានាដោយច្បាប់៕

ដោយ៖ បៃ ស៊ីថុន