AKP ទីក្រុងប៉េកាំង, ប្រទេសចិន ថ្ងៃទី២៦ ខែកញ្ញា ឆ្នាំ២០២៦ -- នៅក្នុងវគ្គបណ្តុះបណ្តាលអន្តរជាតិស្តីពីការលើកកម្ពស់សមត្ថភាពប្រព័ន្ធផ្សព្វផ្សាយថ្មី នាថ្ងៃទី២៥ ខែកញ្ញា ឆ្នាំ២០២៦ លោកសាស្ត្រាចារ្យ CHEN Qiang មកពីសាកលវិទ្យាល័យទំនាក់ទំនងចិន បានអញ្ជើញធ្វើបទបង្ហាញដ៏មានសារៈសំខាន់មួយដល់សិក្ខាកាមមកពីបណ្តាប្រទេសអាស៊ាន នៃវគ្គបណ្តុះបណ្តាល «ប្រព័ន្ធផ្សព្វផ្សាយថ្មី ដើម្បីជំរុញការអភិវឌ្ឍឧស្សាហកម្មប្រកបដោយគុណភាពខ្ពស់ សម្រាប់បណ្តាប្រទេសអាស៊ាន» ដោយផ្តោតជាសំខាន់ទៅលើការគ្រប់គ្រងប្រព័ន្ធផ្សព្វផ្សាយទំនើប (Modern Media Management), បច្ចេកវិទ្យាគាំទ្រ (Technology Support) និងនិន្នាការអនាគត (Future Trends)។

នៅក្នុងបទបង្ហាញនោះ លោកសាស្ត្រាចារ្យបានលើកយកនូវចំណុចគន្លឹះ និងបទពិសោធន៍ជាក់ស្តែងចំនួនប្រាំធំៗ ដើម្បីចែករំលែកដល់អ្នកចូលរួម៖
១. ការគ្រប់គ្រងប្រព័ន្ធ និងបណ្តាញផ្សាយ (Platform Operation & Channel Matrix): ការផ្តោតសំខាន់លើការអភិវឌ្ឍប្រព័ន្ធផ្សព្វផ្សាយផ្ទាល់ខ្លួន (Owned Platform Development) ការអនុវត្តយុទ្ធសាស្ត្រផ្សេងៗគ្នានៃបណ្តាញសង្គម (Differentiated Social Media Operation) ដូចជា វីឆាត (WeChat) វីបូ (Weibo) និងតិកតុក (TikTok) និងការបង្កើតភាពស៊ីសង្វាក់គ្នារវាងបណ្តាញចែកចាយផ្សេងៗ ។

២. មតិកែលម្អទិន្នន័យ និងការបង្កើនប្រសិទ្ធភាព (Data Feedback & Optimization Loop): ការប្រើប្រាស់ប្រព័ន្ធវាស់វែងការងារ (KPI System) ការធ្វើតេស្តសាកល្បងជាប្រចាំ និងដំណើរការសម្រេចចិត្តដោយផ្អែកលើទិន្នន័យ (Data-Driven Decision Process) ដើម្បីជំរុញការរីកចម្រើនជាបន្តបន្ទាប់ក្នុងការងារផ្សព្វផ្សាយ។

៣. ប្រព័ន្ធគាំទ្របច្ចេកវិទ្យា (Technology Support System): ការរៀបចំហេដ្ឋារចនាសម្ព័ន្ធរឹងមាំ របស់ការិយាល័យកណ្តាលក្នុងការគ្រប់គ្រងទិន្នន័យ និងប្រតិបត្តិការ ព្រមទាំងការរួមបញ្ចូលបច្ចេកវិទ្យាបញ្ញាសិប្បនិម្មិត (AI Integration) ដើម្បីបង្កើនប្រសិទ្ធភាពការងារ និងបទពិសោធន៍អ្នកប្រើប្រាស់។

៤. សិក្សាពីការរួមបញ្ចូលប្រព័ន្ធផ្សព្វផ្សាយក្នុងស្រុក (In-depth Domestic Cases) ដើម្បី ការផ្សាយរួមគ្នាក្នុងកម្មវិធី និងព្រឹត្តិការណ៍ធំៗ

៥. និន្នាការអនាគត (Future Trends): ការស្វែងយល់ពីបច្ចេកវិទ្យាថ្មីៗ ព្រមទាំងការពង្រឹងការរួមបញ្ចូលប្រព័ន្ធផ្សព្វផ្សាយ (Media Integration) ឆ្ពោះទៅរកភាពឆ្លាតវៃ និងការយល់ដឹងពីបរិបទជាក់ស្តែង វគ្គបណ្តុះបណ្តាលអន្តរជាតិខាងលើនេះ ត្រូវបានរៀបចំឡើងក្នុងគោលបំណងពង្រឹងកិច្ចសហប្រតិបត្តិការ និងលើកកម្ពស់សមត្ថភាពវិជ្ជាជីវៈដល់អ្នកជំនាញប្រព័ន្ធផ្សព្វផ្សាយក្នុងតំបន់អាស៊ានផ្លាស់។

បទបង្ហាញរបស់លោកសាស្ត្រាចារ្យ CHEN Qiang បានផ្តល់នូវចំណេះដឹង និងទស្សនទានយ៉ាងទូលំទូលាយ អំពីការបត់បែន ការប្រើប្រាស់បច្ចេកវិទ្យាទំនើប និងការអភិវឌ្ឍខ្លួនរបស់ស្ថាប័នប្រព័ន្ធផ្សព្វផ្សាយ ឱ្យឆ្លើយតបទៅនឹងនិន្នាការអភិវឌ្ឍន៍ឧស្សាហកម្មប្រកបដោយគុណភាពខ្ពស់ក្នុងយុគសម័យបច្ចុប្បន្ន៕

ដោយ៖ ទូច វលក្ខ័ណ