AKP ភ្នំពេញ ថ្ងៃទី៩ ខែកញ្ញា ឆ្នាំ២០២៦ -- ឯកឧត្ដម ឃួង ស្រេង បានជំរុញឱ្យសមាជិកបក្សនៅថ្នាក់ភូមិ សង្កាត់ទាំង៤ ក្នុងខណ្ឌច្បារអំពៅ ត្រូវកសាងទំនុកចិត្តច្បាស់លាស់ជូនប្រជាពលរដ្ឋ នៅមូលដ្ឋានខ្លួនបានល្អ ដើម្បីត្រៀម ទិសដៅបោះឆ្នោតខាងមុខយកឈ្នះឱ្យបានជោគ ជ័យមួយរយភាគរយ ។ 

ឯកឧត្ដម ឃួង ស្រេង សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានគណៈកម្មាធិការគណបក្សរាជធានីភ្នំពេញ  បានជំរុញបែបនេះ ខណៈឯកឧត្ដម ជួបជាមួយសមាជិក-សមាជិកាគណបក្សសង្កាត់ចំនួន៤ ក្នុងខណ្ឌច្បារអំពៅ (សង្កាត់វាលស្បូវ,ព្រែកឯង, ក្បាលកោះ និងព្រែកថ្មី) នៅរសៀលថ្ងៃទី០៩ ខែកញ្ញា ឆ្នាំ២០២៦។

ឯកឧត្ដម ឃួង ស្រេង បានបញ្ជាក់ថា៖ ពង្រឹងការងារមូល ដ្ឋាន៖ ជំរុញឱ្យថ្នាក់ភូមិ សង្កាត់ និងខណ្ឌ ធ្វើការងារព្រមៗគ្នា ដើម្បីកសាងទំនុកចិត្តប្រជាពលរដ្ឋលើការដឹកនាំរបស់សម្តេចធិបតី ហ៊ុន ម៉ាណែត និងគាំទ្របោះឆ្នោតជូនគណ បក្សប្រជាជនកម្ពុជាបន្តទៀត ។ គោលដៅរយៈពេលវែង៖ រក្សាការដឹកនាំប្រទេសជាតិដើម្បីសម្រេចចក្ខុវិស័យកម្ពុជា ជាប្រទេសដែលមានចំណូលមធ្យមកម្រិតខ្ពស់នៅឆ្នាំ ២០៣០ និងជាប្រទេសមានចំណូលខ្ពស់នៅឆ្នាំ២០៥០។ ផ្សព្វផ្សាយស្នាដៃគណបក្ស៖ រំលេចនូវគុណបំណាច់ប្រវត្តិសាស្ត្រក្នុងការសង្គ្រោះជាតិ ការបង្រួបបង្រួមជាតិ ការទប់ស្កាត់ជំងឺកូវីដ-១៩ និងការអភិវឌ្ឍប្រទេសក្រោមការដឹកនាំរបស់សម្តេចតេជោ ហ៊ុន សែន។ បង្ក្រាបបទល្មើសតាមប្រព័ន្ធបច្ចេកវិទ្យា៖ ណែនាំឱ្យអាជ្ញាធរមូលដ្ឋានតាមដាន និងលុបបំបាត់បទល្មើសឆបោកតាមអនឡាញ (Online Scams) ឱ្យអស់ពីរាជធានីភ្នំពេញ។ ទិសដៅបោះឆ្នោត៖ ពង្រឹងការងារកសាងសមាជិកបក្ស ដោយប្តេជ្ញាប្រែក្លាយសមាជិកម្នាក់ គឺជាសន្លឹកឆ្នោតមួយសន្លឹក សម្រាប់ការបោះឆ្នោតឆ្នាំ២០២៧-២០២៨ខាងមុខ៕ 

ដោយ៖ សួស សំរិត